Dinamalar

தமிழ் சினிமாவின் 2025 பொங்கல் எப்படி?

2025ம் ஆண்டு பொங்கலை முன்னிட்டு மூன்று வெவ்வேறு நாட்களில் ஆறு தமிழ்ப் படங்கள் வெளியாகின. ஜனவரி 10ல் வெளியான 'வணங்கான், மெட்ராஸ்காரன்' படங்களில் 'வணங்கான்' படத்திற்கு ஓரளவிற்கு நல்ல விமர்சனங்கள் வெளிவந்தன. இருந்தாலும் வியாபாரா ரீதியாக பெரிய வசூலை இப்படம் குவிக்கவில்லை. படத்தில் நடித்த அருண் விஜய்க்கு மட்டும் பாராட்டுக்கள் குவிந்தன. 'மெட்ராஸ்காரன்' படம் மெட்ராஸில் கூட குறிப்பிடும்படி வசூலைப் பெறவில்லை.

ஜனவரி 12ல் வெளிவந்த 12 வருட பழைய படமான 'மத கஜ ராஜா' படம் யாரும் எதிர்பார்க்காத பெரிய வெற்றியைப் பெற்றுள்ளது. தற்போது வரை 30 கோடி வசூலைப் பெற்றுள்ளது. இந்த வாரத்திற்குள் 50 கோடி வசூலைப் பெறும் என்று எதிர்பார்க்கப்படுகிறது. இந்திய சினிமா வரலாற்றில் இத்தனை வருட பழைய படம் புத்தம் புதிதாக வெளியாகி வசூலில் சாதனை படைப்பது இதுவே முதல் முறை.

ஜனவரி 14ல் வெளிவந்த 'காதலிக்க நேரமில்லை, நேசிப்பாயா, தருணம்' ஆகிய படங்களில் 'தருணம்' படத்தை ஒரே நாளில் தியேட்டர்களில் திரையிடுவதை நிறுத்திவிட்டார்கள். வேறொரு நாளில் படத்தை மீண்டும் வெளியிட திட்டமிட்டுள்ளார்கள். 'நேசிப்பாயா' படம் மிகச் சுமாரான வரவேற்பைப் பெற்றுள்ளது. 'காதலிக்க நேரமில்லை' படத்திற்கு 'ஏ' சென்டர்களில் வரவேற்பு கிடைத்துள்ளது. ஆனாலும், வசூல் சுமாராகத்தான் உள்ளது.

தமிழ் சினிமாவைப் பொறுத்தவரை 2025 பொங்கல் ஓரளவே இனிப்பான பொங்கலாக மட்டுமே அமைந்துள்ளது. ஆறு படங்களில் ஒரே ஒரு படம் மட்டுமே வினியோகஸ்தர்களுக்கும், தியேட்டர்காரர்களுக்கும் இனிப்பான வசூலைக் கொடுத்துள்ளது என்பதுதான் பாக்ஸ் ஆபீஸ் தகவல்.

• 
  அமீர்கான் மகன், சாய் பல்லவி படத்தின் புதிய தலைப்பு மற்றும் ரிலீஸ் தேதி ...
• 
  ஹிந்தியில் ரீமேக் ஆகும் அருந்ததி கதையின் நாயகி யார் தெரியுமா?
• 
  அதிக சலுகைகள் பெறும் நடிகர்கள்: ஆமிர்கான் காட்டம்
• 
  'மிராய்' பட்ஜெட் 60 கோடிதானா?
• 
  ரயிலில் இருந்து குதித்த நடிகை படுகாயம்: ஆஸ்பத்திரியில் அனுமதி

• 
  முதல்வரின் வேண்டுகோளை கண்டிப்பா நிறைவேற்றுவேன்: இளையராஜா
• 
  மதராஸி, லோகா படங்களின் பாக்ஸ் ஆபீஸ் தகவல் வெளியானது!
• 
  'கிஸ்' படத்தில் கதை சொல்லியாக குரல் கொடுத்த விஜய் சேதுபதி!
• 
  கும்கி- 2 படத்தின் புதிய போஸ்டரை வெளியிட்ட பிரபு சாலமன்!
• 
  ஓடிடியிலும் விமர்சனங்களை சந்தித்த கூலி!