காதலர் தினத்தில் வெளியாகும் மம்முட்டியின் ஆக்ஷன் படம்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

05 ஜன, 2025 - 10:43 IST

எழுத்தின் அளவு:

பொதுவாகவே காதலர் தினத்தை குறிவைத்து ரொமான்டிக், காதல் படங்கள் வெளியாவது தான் வழக்கம். ஆனால் மம்முட்டி நடித்துள்ள ஆக்ஷன் படமான 'பஷூக்கா'வை வரும் பிப்ரவரி 14 காதலர் தினத்தன்று வெளியிட இருப்பதாக அதிகாரப்பூர்வ அறிவிப்பு வெளியாகி உள்ளது. இந்த படத்தை அறிமுக இயக்குனர் டினோ டென்னிஸ் என்பவர் இயக்கியுள்ளார். இவர் மலையாள சினிமாவில் கடந்த 40 வருடங்களுக்கு மேலாக பிரபல கதாசிரியராகவும் இயக்குனராகவும் பல வெற்றி படங்களை கொடுத்த மறைந்த கலூர் டென்னிஸ் என்பவரின் மகன் தான்.

கலூர் டென்னிஸின் பல ஹிட் படங்களில் மம்முட்டி நடித்திருப்பதால் அந்த நட்பின் அடிப்படையில் அவரது மகனுக்கு தன் படம் மூலம் இயக்குனராகும் வாய்ப்பை வழங்கி இருக்கிறார். கடந்த வருடம் ஏப்ரல் மாதம் துவங்கிய இந்த படத்தின் படப்பிடிப்பு அக்டோபர் மாதமே முடிவடைந்துவிட்டது. ஜனவரியில் ரிலீஸ் ஆகும் என எதிர்பார்க்கப்பட்ட நிலையில் தற்போது காதலர் தினத்தன்று வெளியாகிறது. இந்த படத்தில் கவுதம் மேனன், பாபு ஆண்டனி, ஜெகதீஷ், ஷைன் டாம் சாக்கோ, தமிழ் நடிகர் மைம் கோபி உள்ளிட்ட பலர் நடித்துள்ளனர்.

Mammootty

Bazooka

கருத்துகள் (0) கருத்தைப் பதிவு செய்ய

ஷங்கர் படங்களை 'பிளாக்'கில் ...

மார்கோ 2வில் வில்லனாக விக்ரம்?

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய