Dinamalar

புற்றுநோய்க்கு அறுவை சிகிச்சை : அமெரிக்கா சென்ற சிவராஜ்குமார்

பெங்களூரு : பிரபல கன்னட நடிகர் சிவராஜ்குமார், புற்று நோய் அறுவை சிகிச்சைக்காக அமெரிக்கா புறப்பட்டு சென்றுள்ளார்.

கன்னட திரை உலகில் முன்னணி நடிகராக இருப்பவர் சிவராஜ்குமார், 62. இவர் மறைந்த பிரபல கன்னட நடிகர் ராஜ்குமாரின் மகன். தமிழில் நடிகர் ரஜினியுடன் இணைந்து ஜெயிலர், தனுஷ் உடன் கேப்டன் மில்லர் ஆகிய படங்களில் நடித்துள்ளார்.

சமீபத்தில், இவரது பைரதி ரங்கல் திரைப்படம் வெளியாகி பெரிய வெற்றியை பெற்றது. இதன் வெற்றி விழாவில் பேசிய சிவராஜ்குமார், தன் உடல்நிலை குறித்து சில தகவல்களை கூறினார்; விரைவில் அறுவை சிகிச்சை செய்ய உள்ளதாகவும் கூறியிருந்தார். அவருக்கு புற்று நோய் பாதிப்பு இருப்பதாக கூறப்பட்டது. ஆனால், தனக்கு ஏற்பட்ட நோய் பாதிப்பு குறித்து, அவர் வெளிப்படையாக எதுவும் தெரிவிக்கவில்லை.

இந்நிலையில் பெங்களூரில் இருந்து, அமெரிக்காவின் புளோரிடாவுக்கு விமானத்தில் புறப்பட்டு சென்றார். அவருடன் மனைவி கீதாவும் சென்றார். புளோரிடாவில் உள்ள மியாமி கேன்சர் இன்ஸ்டிடியூட்டில் வரும் 24ம் தேதி அவருக்கு அறுவை சிகிச்சை நடக்கிறது. அங்கு வசிக்கும், கர்நாடகாவை சேர்ந்த டாக்டர் கோபால், அறுவை சிகிச்சை செய்ய உள்ளார். அதன்பின், ஒரு மாதம் அங்கு ஓய்வில் இருக்கும் சிவராஜ்குமார் அடுத்த மாத இறுதியில் பெங்களூரு திரும்புகிறார்.

• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்

• 
  மதராஸி ‛கம்பேக்' கொடுக்கும் படமாக இருக்கும் என்கிறார் ஏ.ஆர்.முருகதாஸ்
• 
  'ஏஸ்' தோல்வியிலிருந்து ஏறி வந்த விஜய் சேதுபதி
• 
  ரசிகர்களை அதிர்ச்சியடைய வைத்த மாதம்பட்டி ரங்கராஜ் இரண்டாவது திருமணம்
• 
  அஜித்தை வைத்து ஆக்ஷன் படம் இயக்க லோகேஷ் கனகராஜ் ஆசை
• 
  ராஷ்மிகாவின் மைசா படப்பிடிப்பு பூஜையுடன் தொடங்கியது