Dinamalar

விக்னேஷ் சிவனுக்கு நயன்தாராவின் கொசுக்கடி வைத்தியம்

நயன்தாரா, தனுஷ் சர்ச்சை ஒரு பக்கம் கடந்த இரண்டு நாட்களாக மீடியாவில் பரபரப்பாக ஓடிக் கொண்டிருக்கிறது. நானும் ரௌடி தான் படத்தின் சில கிளிப்புகளை நயன்தாராவின் டாக்குமென்ட்ரி படத்தில் பயன்படுத்த தனுஷ் அனுமதி கொடுக்கவில்லை. அதேசமயம் முன்னதாக வெளியான டீசரில் மூன்று நொடி காட்சிகளை பயன்படுத்தினார்கள் நயன் - விக்கி இருவரும். இன்று வெளியாகியுள்ள டாக்குமென்டரி படத்தில் 10 நொடி காட்சிகளை பயன்படுத்தி உள்ளார்கள். ஏற்கனவே மூன்று நொடிக்கு 10 கோடி நஷ்ட ஈடு கேட்ட தனுஷ் இனி இந்த 10 நொடிக்கு எவ்வளவு கேட்பாரோ என்று தெரியவில்லை.

இது ஒரு பக்கம் இருந்தாலும் நயன்தாரா, விக்னேஷ் சிவன் இருவரும் ரொம்பவே கூலாக இருக்கின்றனர். இந்த டாக்குமென்டரி படம் இன்று வெளியாகியுள்ளது. அதேசமயம் இது குறித்து சமீபத்தில் வெளியான புரோமோ ஒன்றில் நயன்தாரா விக்னேஷ் சிவன் இருவரும் அருகருகே அமர்ந்து தாங்கள் கடந்து வந்த பாதையை பற்றி பேட்டியில் சொல்லிக் கொண்டிருக்கின்றனர். அப்போது திடீரென்று நயன்தாரா, விக்னேஷ் சிவனின் பின்பக்க கழுத்து பக்கம் லேசாக அடிக்கிறார். அதற்கு விக்னேஷ் சிவன் என்ன என்று கேட்க, நயன்தாரா ரொம்பவே கூலாக பின்னாடி கொசு அமர்ந்திருந்தது தட்டி விட்டேன் என்றார்.

உடனே விக்னேஷ் சிவன் பேட்டி எடுத்தவரிடம், “பார்த்தீர்களா.. இந்த அறைக்குள் கொசுவே வராமல் பாதுகாப்பு செய்யப்பட்டு உள்ளது.. ஆனால் என்னை அடிப்பதற்கு என்னென்ன டெக்னிக்கை அவர் யூஸ் பண்ணுகிறார் பாருங்கள் என்று கூற நயன்தாரா அதற்கு வெட்கப்படுகிறார். உடனே விக்னேஷ் சிவன் தன் கன்னத்தை காட்டி இதோ இங்கே ஒரு கொசு உட்கார்ந்து இருக்கிறது பார் என்று சொல்ல உடனே செல்லமாக அவரது கன்னத்தில் தட்டுகிறார் நயன்தாரா. ஒரு பக்கம் பிரச்சினை ஓடிக் கொண்டிருந்தாலும் இந்த ரணகளத்திலும் ஒரு கிளுகிளுப்பு என்பது போல இந்த சமயத்தில் இவர்களது ரொமான்டிக் பக்கமும் தற்போது இந்த புரமோ மூலம் வெளியாகி உள்ளது.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  குட் பேட் அக்லி டிரைலர் வெளியானது : நிச்சயம் அஜித் ரசிகர்களுக்கு ...
• 
  ஆக.,14ல் 'கூலி' ரிலீஸ்: அதிகாரப்பூர்வ அறிவிப்பு
• 
  ஜிவி பிரகாஷ், சைந்தவி விவாகரத்து வழக்கு: செப்.25ல் நேரில் ஆஜராக உத்தரவு
• 
  சத்யராஜ், காளி வெங்கட் இணைந்து நடிக்கும் 'மெட்ராஸ் மேட்னி'
• 
  மே மாதத்தோடு விஜய்யின் 'ஜனநாயகன்' படப்பிடிப்பு முடிவடைகிறது!