Dinamalar

நடிகர் சங்கத்தை புதிய உறுப்பினர்கள் பொறுப்பெடுத்து நடத்த வேண்டும் ; சுரேஷ் கோபி விருப்பம்

மலையாள திரையுலகில் கடந்த சில மாதங்களுக்கு முன்பு நீதிபதி ஹேமா கமிஷன் அறிக்கை வெளியாகி மிகப்பெரிய சலசலப்பை ஏற்படுத்தியது. இந்த அறிக்கை வெளியானதை தொடர்ந்து பல நடிகைகள் சினிமா பிரபலங்கள் மீது குற்றச்சாட்டுகளை சுமத்தினார்கள். சிலர் மீது வழக்கு பதிவு செய்யப்பட்டு சிலர் கைது செய்யப்பட்ட நிகழ்வுகளும் நடந்தன. அதே சமயம் இப்படி அடுக்கடுக்காக குற்றச்சாட்டுகள் எழுந்தபோது, அதிலும் மலையாள நடிகர் சங்கத்தில் பொறுப்பில் இருப்பவர்கள் மீது குற்றம் சுமத்தப்பட்ட போது சங்கத்தின் தலைமை பொறுப்பில் இருந்த மோகன்லால் உட்பட யாருமே இந்த ஹேமா கமிஷன் அறிக்கைக்கோ மற்றவர்களின் குற்றச்சாட்டுகளுக்கோ பெரிய அளவில் ரியாக்சன் காட்டவில்லை. அதற்கு பதிலாக இதற்கு தார்மீக பொறுப்பேற்று மோகன்லால் உள்ளிட்ட அனைவருமே மொத்தமாக நடிகர் சங்கத்திலிருந்து ராஜினாமா செய்தனர்.

அடுத்ததாக நடிகர் சங்கத்துக்கு புதிய தேர்தல் எப்போது நடைபெறும் என தெரியாத நிலையில் பிரபல மலையாள நடிகரும் பா.ஜ., எம்பி.,யும் தற்போதைய மத்திய அமைச்சருமான சுரேஷ்கோபி நடிகர் சங்க விவகாரம் குறித்து பதில் அளித்துள்ளார். இது குறித்து சமீபத்தில் கலந்து கொண்ட ஒரு நிகழ்வில் அவரிடம் கேட்டபோது, மலையாள நடிகர் சங்கம் (அம்மா) விரைவில் புதிய உறுப்பினர்களை பதவிக்கு கொண்டு வந்து வழக்கம் போல தங்களது பொறுப்புகளை கவனிக்க துவங்க வேண்டும் என்று கூறியுள்ளார். அதேசமயம் சங்கத் தலைவர் மோகன்லால் மற்றும் மற்ற உறுப்பினர்கள் அனைவரும் இப்படி கூண்டோடு ராஜினாமா செய்தது குறித்து எந்த ஒரு கருத்தும் தெரிவிக்க மறுத்து விட்டார் சுரேஷ்கோபி.

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  மோகன்லால் உடன் நடிக்க விருப்பம்: நடிகை ஷில்பா ஷெட்டி
• 
  விஜய் சேதுபதியின் தங்கை கதாபாத்திரம்: நடிகை ரோஷினி நெகிழ்ச்சி
• 
  கோட்டா சீனிவாச ராவ் மறைவு: தெலுங்கு சினிமா பிரபலங்கள் இரங்கல்
• 
  வலிகள் இல்லாமல் வாழ்க்கை இல்லை! அனுபவம் பேசும் கவிஞர் பா.விஜய்
• 
  பிளாஷ்பேக்: இளையராஜா, கண்ணதாசன், எஸ் பி பி மூவரையும் முதன் முதலில் இணைத்த ...