Dinamalar

பாலாவின் 4வது திருமணம் : 3வது மனைவியின் ரியாக்ஷன் இவ்வளவு தானா ?

மலையாள திரை உலகில் குறிப்பிடத்தக்க நடிகர்களில் ஒருவராக இருப்பவர் பாலா. இயக்குனர் சிவாவின் தம்பியான இவர் தமிழில் அம்மா அப்பா செல்லம், வீரம், அண்ணாத்த உள்ளிட்ட படங்களிலும் நடித்துள்ளார். தொடர்ந்து மலையாள படங்களில் கவனம் செலுத்தி நடித்து வரும் இவர் ஏற்கனவே கர்நாடகாவை சேர்ந்த சந்தனா, அதன் பிறகு மலையாள பின்னணி பாடகியான அம்ருதா சுரேஷ், அதன் பின்னர் கேரளாவை சேர்ந்த டாக்டர் எலிசபெத் என கடந்த 2008லிருந்து திருமணம் செய்வதும் பின்னர் அவர்களிடம் இருந்து விவாகரத்து பெறுவதுமாக இதுவரை மூன்று திருமணங்களை செய்து விவாகரத்தும் பெற்று விட்டார். இந்த நிலையில் சென்னையில் உள்ள தனது முறைப் பெண்ணான கோகிலா என்பவரை சமீபத்தில் நான்காவதாக திருமணம் செய்து கொண்டுள்ளார் நடிகர் பாலா. இதுதான் தனது கடைசி திருமணம் என்றும் அவர் உறுதிபட கூறியுள்ளார்.

இந்த நிலையில் அவரது மூன்றாவது மனைவியான டாக்டர் எலிசபெத் தற்போது சோசியல் மீடியாவில் வீடியோ ஒன்றை வெளியிட்டுள்ளார். அதில் அவர் நடிகர் பாலா மீது ஏதாவது குற்றச்சாட்டுகளை அடுக்குவார் என பார்த்தால் நமக்கு ஏமாற்றமே..

அந்த வீடியோவில் எலிசபெத் கூறும்போது, “நான் சில விஷயங்கள் பற்றி கேள்விப்பட்டேன். அதை இந்த வீடியோவில் சொல்வது சரியாக இருக்குமா என்று தெரியவில்லை. ஆனால் நான் வருத்தப்பட்டது உண்மை. என்றாலும் அது பற்றி இங்கே விவாதிக்க விரும்பவில்லை. அதேசமயம் ஒரு மகிழ்ச்சியான செய்தியை உங்களுக்கு சொல்ல விரும்புகிறேன். நான் இப்போது அகமதாபாத்தில் இருக்கிறேன். அங்கே ஒரு நோயாளியின் வாழ்க்கையில் சிகிச்சை அளித்து தக்க சமயத்தில் காப்பாற்றிய மகிழ்ச்சியில் இருக்கிறேன். அவர்கள் எனக்கு நிறைய சாக்லேட் மற்றும் இனிப்புகளை பரிசாக கொடுத்தார்கள். நான் செய்தது ஒரு சின்ன விஷயம் தான் என்றாலும் சிலர் அது குறித்து தங்களது அன்பை வெளிப்படுத்தும்போது மகிழ்ச்சியாக இருக்கிறது. சில விஷயங்களால் வருத்தமாக இருந்த நான் இப்போது சந்தோஷமாக இருக்கிறேன்” என்று கூறியுள்ளார்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  ஹாலிவுட் படத்தில் அறிமுகமாகும் ஜிவி பிரகாஷ், யோகிபாபு
• 
  சிவகார்த்திகேயனை கவுரவித்த ராணுவ பயிற்சி மையம்!
• 
  சூர்யா 44வது படத்தின் டைட்டில் 'கல்ட்'
• 
  உதயநிதிக்கு பிறந்தநாள் வாழ்த்து தெரிவித்த அஜித்குமார்
• 
  வைரலாகும் சித்தார்த் - அதிதி ராவ் திருமண புகைப்படங்கள்