திருமணத்திற்கு தயாரான ரம்யா பாண்டியன் : யோகா மாஸ்டரை கரம் பிடிக்கிறார்

18 அக், 2024 - 04:23 IST

0 கருத்துகள் கருத்தைப் பதிவு செய்ய

எழுத்தின் அளவு:

ராஜூ முருகன் இயக்கத்தில் ‛ஜோக்கர்' படம் மூலம் பிரபலமானவர் நடிகை ரம்யா பாண்டியன். தொடர்ந்து ஆண் தேவதை உள்ளிட்ட சில படங்களில் நடித்தார். பிக்பாஸ், குக் வித் கோமாளி போன்ற டிவி நிகழ்ச்சிகள் மூலம் இன்னும் பிரபலமானார். அதைவிட அவர் வெளியிடும் மொட்டை மாடி மற்றும் விதவிதமான போட்டோஷூட்டிற்கு ஏகப்பட்ட ரசிகர்கள் உள்ளனர்.

இந்நிலையில் சத்தமின்றி இவருக்கு திருமணம் முடிவாகி உள்ளது. ரம்யா பாண்டியன் கடந்தாண்டு பெங்களூரில் வாழும் கலை ரவி சங்கர் ஆஸ்ரமத்தில் இயங்கி வரும் யோகா பயிற்சி மையத்தில் இணைந்தார். அங்கு யோகா பயிற்சி செய்தவர் அவருக்கு அங்கு யோகா மாஸ்டராக இருந்த லோவெல் தவான் என்பவருடன் பழக்கமானது. இவர்களின் காதல் இப்போது திருமணத்திற்கு வந்துள்ளது.

மணமகன் லோவெல் தவான் பஞ்சாப் லூத்தியானவில் பல இடங்களில் செயல்பட்டு வரும் பப்ளிக் லேபராட்டிரீஸின் உரிமையாளராகவும் இருந்து வருகிறார். இவர்களது திருமணம் ரிஷிகேஷில் கங்கை நதி பாயும் கோயிலின் அருகே நடைபெற உள்ளது.

ரம்யா பாண்டியன் திருநெல்வேலியை பூர்வீகமாக கொண்டவர். இவரது தந்தை துரை பாண்டியன் மறைந்துவிட்டார். தாய் சாந்தி, சகோதரி திரிபுர சுந்தரி (பேஷன் டிசைனர்) மற்றும் தம்பி பரசுராமன். பிலிம் டெக்னாலஜி படித்து விட்டு துபாயில் ஒரு நிறுவனத்தில் பணி புரிந்து வருகிறார்.

இவர்களின் திருமணம் அடுத்தமாதம் நவ., 8ல் நடைபெற உள்ளதாகவும், திருமண வரவேற்பு நவ., 15ல் சென்னையில் நடப்பதாகவும் தகவல் வெளியாகி உள்ளது.

RamyaPandian

loveldhawan

கருத்துகள் (0) கருத்தைப் பதிவு செய்ய

தள்ளி வைக்கப்பட்ட இந்தியன் 3 ரிலீஸ்

சூர்யா 44வது படம் கேங்க்ஸ்டர் படம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய