Dinamalar

மீண்டும் தெலுங்கில் நடிக்கும் ஐஸ்வர்ய லட்சுமி

'பொன்னியின் செல்வன்' படத்தில் பூங்குழலியாக நடித்தவர் ஐஸ்வர்ய லட்சுமி. அதற்கு முன்பும், பின்பும் பல படங்களில் நடித்தாலும் பூங்குழலிதான் அவரது அடையாளமாக உள்ளது. தமிழில் 'ஜெகமே தந்திரம்' படத்தில் அறிமுகமானவர் அதன்பிறகு 'கார்கி, கேப்டன், கட்டா குஸ்தி, பொன் ஒன்று கண்டேன்' படங்களில் நடித்தார். தெலுங்கில் கோட்சே, அம்மு என இரண்டு படங்களில் நடித்தார். சிறிய இடைவெளிக்கு பிறகு தற்போது மீண்டும் தெலுங்கில் நடிக்கிறார்.

தெலுங்கு சினிமாவில் இளம் ஹீரோவாக வளர்ந்து வரும் சாய் துர்கா தேஜ் நடிக்கும் அவரது 18வது படத்தில் அவருக்கு ஜோடியாக நடிக்கிறார். ரோகித் கே.பி இயக்குகிறார். 'ஹனுமான்' படத்தை தயாரித்த பிரைம்ஷோ என்டர்டெயின்மென்ட்டின் சார்பில், கே.நிரஞ்சன் ரெட்டி மற்றும் சைதன்யா ரெட்டி தயாரிக்கின்றனர். பீரியட் ஆக்ஷன் படமாக தயாராகிறது. தெலுங்கு, தமிழ், ஹிந்தி, கன்னடம் மற்றும் மலையாளம் ஆகிய மொழிகளில் வெளியாகவுள்ளது.

• இவரை பற்றி
• செய்திகள்
• ஆல்பம்