Dinamalar

வேறொருவரை வைத்து தெலுங்கு டப்பிங்: 'கிஸ்' இயக்குனர் மீது விடிவி கணேஷ் அதிருப்தி

கவின், பிரீத்தி அஸ்ரானி நடிப்பில் நடன இயக்குனர் சதீஷ் கிருஷ்ணன் இயக்கியுள்ள படம் 'கிஸ்'. நாளை மறுநாள் (செப்.,19) ரிலீசாகிறது. இதன் செய்தியாளர்கள் சந்திப்பில் இயக்குனர் சதீஷ் கிருஷ்ணன், நடிகர்கள் கவின், விடிவி கணேஷ் உள்ளிட்டோர் பங்கேற்றனர்.

அப்போது மேடையில் பேசிய விடிவி கணேஷ், ''இந்த படத்தின் தெலுங்கு டீசரை எனக்கு இயக்குனர் சதீஷ் காண்பித்தார். அதில் என் குரலுக்கு பதில் வேறொருவர் மிமிக்ரி பேசியுள்ளார். இதுப்பற்றி இயக்குனரிடம் கேட்டால் நீங்கள் பிஸியாக இருந்ததால் வேறொருவரை பேச வைத்திருப்பார்கள் போல, எனக்கே தெரியல என்கிறார். அதெல்லாம் ரொம்ப தப்பு. நாளை காலையில் கூட வந்து நானே டப்பிங் பேசி தருகிறேன்'' என்றார்.

மேலும் அவர் பேசுகையில், ''தெலுங்கில் நான் இப்போது நாக சைதன்யா, சிரஞ்சீவி உள்ளிட்டவர்களுடன் 8 படங்களில் நடித்து வருகிறேன். எனவே, எனக்கு தெலுங்கு பேச தெரியும் இருந்தும் குரலை பயன்படுத்தாமல் விட்டுள்ளனர்'' என்றார். உடனே குறுக்கிட்ட நாயகன் கவின், ''உங்களின் முதல் கிஸ் பற்றிய அனுபவத்தை சொல்லுங்கள்'' என பேச்சை மாற்றினார். அதன்பின்னர், அந்த டாபிக் பற்றி பேச ஆரம்பித்தார் விடிவி கணேஷ்.

அதற்கு முன்னதாக, ''தெலுங்கு பதிப்பில் நான் அதிக கவனம் செலுத்தி வருகிறேன். தெலுங்கு முக்கியம். ப்ளீஸ், என் கேரியரை நாசமாக்காதீர்கள். தெலுங்கு டப்பிங் பேச எனக்கு கொஞ்ச நேரம் கொடுத்தால் போதும்'' என யாருடனோ விடிவி கணேஷ் போனில் பேசும் வீடியோவும் வெளியாகியிருந்தது.

தமிழில் 'பீஸ்ட்' படத்தில் சதீஷ், விடிவி கணேஷ் இணைந்து காமெடி காட்சிகளில் நடித்திருந்தனர். அந்த வகையில் தான் இயக்குனராக அறிமுகமான முதல் படத்தில் விடிவி கணேஷை நடிக்க வைத்திருந்த சதீஷ், அவருக்கு தெலுங்கு டப்பிங் வாய்ப்பு வழங்காமல் விட்டதும், அதனை மேடையிலேயே தனது அதிருப்தியை கணேஷ் வெளிப்படுத்தியதும் பேசு பொருளாகியுள்ளது.

• செய்திகள்
• வந்த படங்கள்

• செய்திகள்
• ஆல்பம்
• வந்த படங்கள்

• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்
• 
  இன்றைய ரசிகர்கள் எப்போதும் இல்லாத அளவுக்கு புத்திசாலிகளாக உள்ளனர் : யாமி ...
• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...

• 
  அனுஷ்கா பிறந்தநாளில் வெளியான 'கதனார்' படத்தின் அழகிய போஸ்டர்!
• 
  யஷ் படத்துடன் மோதுவதில் பயமில்லை : தெலுங்கு இளம் ஹீரோ தில் பேச்சு
• 
  ராஜமவுலி, மகேஷ்பாபு படத்திலிருந்து வெளியான பிரித்விராஜ் முதல்பார்வை
• 
  கமலின் 'நாயகன்' படத்தின் ரீரிலீஸுக்கு தடை விதிக்க மறுத்த நீதிமன்றம்!
• 
  உருவக்கேலி செய்ததாக நடிகை கவுரி கிஷன் வேதனை