Dinamalar

பால சரவணனை நேரில் அழைத்து பாராட்டிய விஜய்சேதுபதி

சின்னத்திரையில் கனா காணும் காலங்கள் தொடரில் நடித்து பிரபலமாகி குட்டிப்புலி படத்தின் மூலம் சினிமாவில் அறிமுகமானவர் நகைச்சுவை நடிகர் பால சரவணன். தொடர்ந்து திருடன் போலீஸ், ஒரு நாள் கூத்து, ராஜா மந்திரி, உள்குத்து உள்ளிட்ட பல படங்களில் நகைச்சுவை கதாபாத்திரங்களில் நடித்துள்ளார், கடந்த சில வாரங்களுக்கு முன்பு தமிழில் வெளியான பேச்சி என்கிற ஹாரர் படத்தில் அதில் முதன்மை கதாபாத்திரங்களில் நடித்திருந்தவர்களை விட முக்கிய கதாபாத்திரத்தில் நடித்திருந்த பால சரவணனின் நடிப்பு மிகவும் பேசப்பட்டது,

இந்த நிலையில் சமீபத்தில் வெளியான லப்பர் பந்து திரைப்படத்தில் நாயகன் ஹரீஷ் கல்யாணின் நண்பனாக படம் முழுவதும் பயணிக்கும் விதமான கதாபாத்திரத்தில் பால சரவணன் நடித்திருந்தார். படத்தில் இவர் அடிக்கும் ஒவ்வொரு கமெண்ட்டுகளும் தியேட்டரில் சிரிப்பலையை ஏற்படுத்தின. இந்த நிலையில் நடிகர் விஜய்சேதுபதி பால சரவணனை நேரில் அழைத்து முத்தம் கொடுத்து பாராட்டியுள்ளார்.

இது குறித்து புகைப்படங்களை தனது சோசியல் மீடியாவில் பகிர்ந்து கொண்டுள்ள பால சரவணன் கூறும்போது, “லப்பர் பந்து பார்த்துவிட்டு நேரில் அழைத்து, பாலா டேய் உன்னை படத்துல அவ்வளவு ரசிச்சேண்டா. உனக்கு தியேட்டர்ல மக்கள் கை தட்டும்போது எனக்கு ரொம்ப மகிழ்ச்சியா இருந்துச்சுடா தம்பின்னு கட்டி அணைத்து முத்தமிட்டு அன்பாய் பாராட்டிய அன்பு அண்ணன் விஜய்சேதுபதிக்கு மனமார்ந்த நன்றிகளும் அன்பு முத்தங்களும்” என்று கூறியுள்ளார்.

பாலசரவணன் அறிமுகமான புதிதில் விஜய்சேதுபதியுடன் இணைந்து பண்ணையாரும் பத்மினியும் படத்திலும் இன்னும் வெளிவராத இடம் பொருள் ஏவல் என்கிற படத்திலும் நடித்துள்ளார் என்பது குறிப்பிடத்தக்கது.

• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே
• 
  தனுஷின் தேரே இஷ்க் மெயின் டிரைலர் வெளியீடு : வரவேற்பு எப்படி
• 
  பாலிவுட்டின் மூத்த நடிகை காமினி கவுசல் காலமானார்

• 
  என்னை ஏன் டார்கெட் செய்கிறார்கள் : கயாடு லோஹர் வேதனை
• 
  ரஜினி படத்திலிருந்து விலகியதால் மீண்டும் கார்த்தியுடன் இணையும் ...
• 
  பாலகிருஷ்ணா 111வது படத்தில் ராணி ஆக நயன்தாரா
• 
  மீண்டும் காமெடி ஹீரோவான சதீஷ்
• 
  ஒரே படத்தின் மூலம் தமிழுக்கு வரும் தெலுங்கு, மலையாள ஹீரோயின்கள்