Dinamalar

பிளாஷ்பேக்: விஜயனின் நிறைவேறாத கனவு

மலையாள சினிமாவில் உதவி இயக்குனராக இருந்த விஜயன் சென்னை வந்தது நடிப்பதற்காக அல்ல, படம் இயக்குவதற்காக. இங்கு வந்து தமிழ் கற்றுக்கொண்டு திரைக்கதை, வசனகர்த்தாவாகத்தான் சினிமாவில் அறிமுகமானார். முதலில் 'சங்குபுஷ்பம்' என்ற படத்திற்கு கதை, வசனம் எழுதினார். அந்த படத்தில் ஒரு கேரக்டரில் அவர் நடிப்பதாக இருந்தது. ஆனால் சில காரணங்களால் அதில் அவர் நடிக்க முடியாமல் போகவே ஏமாற்றத்தை சந்தித்தார்.

இந்த படத்தின் ஒளிப்பதிவாளராக இருந்த நிவாஸ் தான் ஒளிப்பதிவு செய்த 'கிழக்கே போகும் ரெயில்' படத்தில் பாரதிராஜாவின் உதவியாளராக விஜயனை சேர்த்து விட்டார். விஜயனின் தனித்துவமான குரல், உடல்மொழி இவற்றை கணித்த பாரதிராஜா அந்த படத்தில் 'பட்டாளத்தான்' கேரக்டரில் நடிக்க வைத்தார்.
இப்படி நடிகரான விஜயன் அதன் பிறகு உதிரிப்பூக்கள், பசி, ஒரு விடுகதை ஒரு தொடர்கதை, நாயகன், பாலைவன ரோஜாக்கள், ரமணா, '7/ஜி ரெயின்போ காலனி' உள்பட ஏராளமான படங்களில், பல்வேறு மொழிகளில் நடித்தார்.

இயக்குனர் கனவுடன் சென்னை வந்து நடிகரான விஜயன் தனது ஆசைக்காக 1991ம் ஆண்டு 'புதிய ஸ்வரங்கள்' என்ற படத்தை இயக்கினார். இதில் வில்லன் கேரக்டரில் நடித்த தேவன் நாயகனாகவும், அவரது ஜோடியாக உத்ராவும் நடித்தனர். இளையராஜா இசை அமைத்தார். ஆனால் இந்த படம் பாதியிலேயே நின்று போனது. விஜயனின் இயக்குனர் கனவும் கலைந்து போனது.

• செய்திகள்
• வரவிருக்கும் படங்கள்

• 
  'ரெய்டு-2' படத்தில் தமன்னாவின் 'நாஷா' கிளாமர் பாடல் வெளியீடு!
• 
  எனது கதையைத்தான் திருடி இருக்கிறார்கள் : 'லாபத்தா லேடிஸ்' கதாசிரியர் ...
• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து

• 
  சோசியல் மீடியாவில் விமர்சித்த ரசிகர்களுக்கு திரிஷா கொடுத்த கமெண்ட்!
• 
  வேறு வழியின்றி விஜய் படத்தை இயக்கினேன் ; தங்கர் பச்சான் மகன் பட விழாவில் ...
• 
  அஜித் குறித்து நெகிழ்ச்சி பதிவிட்ட பிரியா பிரகாஷ் வாரியர்
• 
  'மதராஸி' படத்தின் ரிலீஸ் தேதி குறித்து புதிய அப்டேட்!
• 
  ராகவா லாரன்ஸின் 'காஞ்சனா 4, பென்ஸ்' படங்களின் நிலவரம் என்ன?