Dinamalar

இயக்குனர்களை ரஜினி மதிக்கும் விதம் அருமை : வேட்டையன் இயக்குனர் ஞானவேல் புகழாரம்

ரஜினி நடித்துள்ள வேட்டையன் படத்தின் படப்பிடிப்பு முடிவடைந்து இறுதி கட்டப் பணிகள் நடைபெற்று வருகிறது. அக்டோபர் மாதம் பத்தாம் தேதி திரைக்கு வரும் இந்த படத்திற்கு அனிருத் இசையமைத்திருக்கிறார். நேற்று இந்த படத்தில் இருந்து மனசிலாயோ என்ற பாடல் வெளியானது. மறைந்த பின்னணி பாடகர் மலேசியா வாசுதேவன் குரலை ஏஐ தொழில் நுட்பத்தில் இந்த பாடலில் பயன்படுத்தி இருந்தனர்.

வேட்டையன் படத்தின் இயக்குனர் ஞானவேல் கூறுகையில், ரஜினி சூப்பர் ஸ்டார் மட்டுமல்ல, சூப்பர் நடிகர். ஆனபோதிலும் தன்னை ஒரு நல்ல நடிகர் என்று அவர் எங்கேயும் சொன்னதில்லை. அவருக்குள் ஒரு பிரமாதமான நடிகர் இருக்கிறார். இயக்குனரை அவர் மதிக்கும் விதம் மிக அருமை. இயக்குனர் எது கேட்டாலும் செய்வார். அதில் அவருக்கு உடன்பாடு இல்லை என்றாலும் கூட இயக்குனர் சொன்னதற்காக யோசிக்காமல் நடித்து விடுவார்.

இதனால்தான் அவர் எப்போதுமே ரசிகர்களுக்கு மட்டுமின்றி இயக்குனர்களுக்கும் பிடித்தமான நடிகராக இருந்து வருகிறார். குறிப்பாக இரவில் தான் படப்பிடிப்பு நடத்தப்போகிறேன் என்று சொன்னால் எந்த மறுப்பும் சொல்லாமல், சொன்னபடி இரவு 2 மணிக்கு சூட்டிங் ஸ்பாட்டில் வந்து நிற்பார். இன்றைக்கு வளர்ந்து வரும் நடிகர்கள் கூட இந்த அளவுக்கு சரியாக சொன்ன நேரத்தில் வந்து நிற்பார்களா என்பது சந்தேகம்தான். அதோடு ஒரு நாள் கூட அவர் படப்பிடிப்பு தளத்துக்கு தாமதமாக வந்ததில்லை. தொழிலை நேசித்து வருவதினால்தான் அவர் இத்தனை காலமும் சினிமாவில் நிலைத்திருக்கிறார் என்று ரஜினி குறித்து கூறியுள்ளார் இயக்குனர் ஞானவேல்.

• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...
• 
  தீபிகாவுக்கு ஆதரவாகப் பேசினாரா அஜய் தேவ்கன்?
• 
  அயோத்தியில் நான்காவது 'மனை' வாங்கிய அமிதாப்பச்சன்

• 
  நீண்ட இடைவெளிக்குப் பிறகு மீண்டும் தயாரிப்பில் பிரபல நிறுவனம்
• 
  ஒரு செங்கலை கூட ஆட்ட முடியாது! யாரை சொல்கிறார் தனுஷ்?
• 
  ராஜா சாப் படத்தின் புதிய ரிலீஸ் தேதி அறிவிப்பு : டிச., 5ல் வெளியாகிறது
• 
  கன்னட மொழியை சிறுமைப்படுத்தவில்லை : நடக்கும் பிரச்னை வேதனை அளிப்பதாக ...
• 
  பரமசிவன் பாத்திமாவுக்கு மறு தணிக்கையில் 'ஏ ' சான்றிதழ்