Dinamalar

மிரட்டும் சூர்யாவின் கங்குவா டிரைலர் வெளியானது

சிவா இயக்கத்தில் சூர்யா, திஷா பதானி, பாபி தியோல் உள்ளிட்ட பலரது நடிப்பில் உருவாகி உள்ள படம் கங்குவா. 3டி தொழில்நுட்பத்தில் உருவாகியுள்ள இந்த படத்திற்கு தேவிஸ்ரீ பிரசாத் இசையமைத்திருக்கிறார். சமீபத்தில் இப்படத்தின் பயர் பாடல் வெளியிடப்பட்டது. சரித்திரம் கலந்த பேண்டஸி படமாக இரண்டு பாகங்களாக உருவாக்கியிருக்கும் கங்குவா படத்தின் முதல் பாகம் அக்டோபர் பத்தாம் தேதி ஆயுத பூஜைக்கு திரைக்கு வருகிறது. 350 கோடி பட்ஜெட்டில் உருவாகி இருக்கும் இந்த படம் தமிழ், தெலுங்கு, ஹிந்தி, கன்னடம், மலையாளம் உட்பட பத்து மொழிகளில் வெளியாகிறது.

இந்த நிலையில் இன்று(ஆக., 12) இப்படத்தின் இயக்குனர் சிவாவின் பிறந்தநாளை முன்னிட்டு டிரைலர் வெளியாகி இருக்கிறது. 2:37 நிமிடங்கள் ஓடக்கூடிய இந்த டிரைலரில் பெருமாச்சி மண்ணை காக்க போராடுபவராக வித்தியாசமான வேடத்தில் சூர்யா உள்ளார். சூர்யா, பாபி தியோல் இடையேயான சண்டை தான் பிரதானமாக இடம் பெற்றுள்ளது. அவர்களின் தோற்றமும் வித்தியாசமாக உள்ளது. பிரம்மாண்டமான ஆக் ஷன் மற்றும் கிராபிக்ஸ் காட்சிகளுடன் பிரமிப்பை ஏற்படுத்தும் வகையில் உள்ளன. டிரைலர் வெளியான இரண்டு மணிநேரத்தில் 20 லட்சத்திற்கும் அதிகமான பார்வைகளை பெற்றன. தற்போது கங்குவா டிரைலர் வலைதளங்களில் டிரெண்ட்டாகி உள்ளது.

• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்
• 
  செல்போனை பறித்தாரா அக்ஷய் குமார் ? உண்மையை வெளியிட்ட லண்டன் ரசிகர்
• 
  என்னால் 12 மணிநேரம் கூட பணிபுரிய முடியும்! - நடிகை வித்யா பாலன்

• 
  விக்ரமிற்கு ஜோடியாகும் ருக்மணி வசந்த்
• 
  கூலி படத்தில் வலிமையான கதாபாத்திரத்தில் நடிக்கிறேன் : ஸ்ருதிஹாசன்
• 
  கீரவாணிவுடன் கம்போசிங் பணியில் ராஜமவுலி
• 
  கூலி படத்தில் ரஜினிக்காக லோகேஷ் கனகராஜ் செய்த மாற்றம்
• 
  தலைவன் தலைவி, மாரீசன் படங்களின் முதல் நாள் வசூல் எவ்வளவு?