Dinamalar

கல்கி வில்லன் வங்காள நடிகர் : கமல் அல்ல...

நாக் அஸ்வின் இயக்கத்தில் பிரபாஸ் ஹீரோவாக நடித்துள்ள படம், 'கல்கி 2898 ஏடி'. அமிதாப் பச்சன், கமல்ஹாசன், தீபிகா படுகோனே, திஷா பதானி உட்பட பலர் நடித்துள்ளனர். புராணம் கலந்த அறிவியல் புனைவு படமான இது வரும் 27ம் தேதி வெளியாகிறது. சந்தோஷ் நாராயணன் இசை அமைத்துள்ள இதில் பைரவா என்ற கேரக்டரில் பிரபாஸ் நடிக்கிறார். அவரின் நண்பராக புஜ்ஜி என்ற ரோபோ கார் வருகிறது.

இந்த படத்தில் கமல்ஹாசன் வில்லனாக நடிப்பதாக கூறப்பட்டது. ஆனால் இதனை மறுத்த கமல் தான் சிறப்பு தோற்றத்தில் நடிப்பதாக கூறியிருந்தார். தற்போது வெளியிடப்பட்டுள்ள படத்தின் டிரைலரில் அது வெளியாகி உள்ளது. பூமியை காப்பாற்ற போராடும் பிரபாசுக்கு உதவியாக வேறு கிரகத்தில் இருந்து வரும் தலைவராக கமல்ஹாசன் கேரக்டர் உருவாக்கப்பட்டுள்ளதாக கூறப்படுகிறது. ஆனால் படத்தில் முக்கிய வில்லனாக நடிப்பது வங்க மொழி நடிகர் சாஸ்வதா சட்டர்ஜி என்பது தெரியவந்துள்ளது.

கோல்கட்டாவை சேர்ந்த இவர் 1996ம் ஆண்டு முதல் பெங்காலி படங்களில் நடித்து வருகிறார். 'கஹானி' படத்தின் மூலம் பாலிவுட்டில் அறிமுகமானார். 100க்கும் மேற்பட்ட பெங்காலி படங்களில் நடித்துள்ள இவர் தற்போது 'கல்கி' படத்தின் மூலம் தென்னிந்திய சினிமாவில் அறிமுகமாகிறார். பிரமாண்ட ஹாலிவுட் படங்களில் வில்லனாகவோ அல்லது முக்கிய கேரக்டரிலோ தென்கிழக்கு ஆசிய நடிகர்களை நடிக்க வைப்பது வழக்கம். அந்த வகையில் சாஸ்வதா சட்டர்ஜி இதில் நடிக வைக்கப்பட்டிருப்பதாக கூறப்படுகிறது.

• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு

• 
  தனுஷ் 54வது படத்தின் படப்பிடிப்பு நிறைவு.. தயாரிப்பாளர் தகவல்!
• 
  விஷாலுக்கு ஜோடியாக இரண்டு நாயகிகள்!
• 
  பிரேம் குமார், பஹத் பாசில் படம்... "இன்னொரு ஆவேசம்" தயாரிப்பாளர் தந்த ...
• 
  அருள்நிதி, முத்தையா கூட்டணியில் ‛ராம்போ'.. புதிய பட அறிவிப்பு!
• 
  ‛ஜனநாயகன்' படத்தின் முதல் பாடல் வெளியீட்டை தள்ளி வைக்கும் விஜய்!