Dinamalar

ஓடிடிக்கள் மறுப்பு ; நேரடியாக யூடியூப்பில் வெளியான பஹத் பாசில் படம்

நடிகர் பஹத் பாசில் நடிப்பில் சமீபத்தில் வெளியான ஆவேசம் திரைப்படம் மிகப்பெரிய வெற்றியை பெற்றது. தியேட்டர்களில் நன்கு ஓடிக்கொண்டிருக்கும்போதே ஓடிடி தளத்திலும் வெளியாகி அங்கேயும் வரவேற்பை பெற்றது. பொதுவாகவே பஹத் பாசிலின் படங்களுக்கு ஓடிடி தளத்தில் நல்ல வரவேற்பு இருக்கிறது என்றாலும் கடந்த வருடம் அவர் நடித்த ‛தூமம்' என்கிற படத்தை சில காரணங்களால் இதுவரை எந்த ஓடிடி தளமும் வாங்கவில்லை.

படம் வெளியாகி 11 மாதங்கள் ஆகிவிட்ட நிலையில் தற்போது வேறு வழியின்றி நேரடியாக யூடியூப்பில் இந்த படத்தை வெளியிட்டுள்ளனர். கன்னடத்தில் லூசியா மற்றும் யு டர்ன் என வியக்கத்தக்க படங்களை இயக்கிய இயக்குனர் பவன்குமார் முதல் முறையாக மலையாளத்தில் நுழைந்து இயக்கிய இந்த படம் அவருக்கும் பஹத் பாசிலுக்கும் வெற்றியை தர தவறியது. அதனாலயே இந்த படத்தை வாங்குவதற்கு ஓடிடி நிறுவனங்கள் தவிர்த்தன என்றும் சொல்லப்படுகின்றது.

• இவரை பற்றி
• செய்திகள்