Dinamalar

போட்டி இல்லாமல் வரும் ஜிவி பிரகாஷின் 'ரெபல்'

2024ம் ஆண்டிலும் வாராவாரம் நான்கைந்து தமிழ்ப் படங்களாவது வந்துவிடுகிறது. ஒரு படமாவது ஓடி விடாதா, வசூலையும், லாபத்தையும் தந்துவிடாதா என தியேட்டர்காரர்கள் ஏங்கிக் கொண்டிருக்கிறார்கள். ஆனால், மலையாளப் படமான 'மஞ்சும்மேல் பாய்ஸ்' படம்தான் அந்த ஏக்கத்தைத் தீர்த்து வைத்துக் கொண்டிருக்கிறது.

கடந்த வாரம் வெளியான புதிய படங்களின் சத்தம் ஓரிரு காட்சிகளுக்குக் கூட கேட்கவில்லை. இந்த வாரம் சொல்லிக் கொள்ளும்படியான நான்கைந்து படங்களாவது வருமா என்பது சந்தேகமாகவே உள்ளது. இதுவரை வெளியான அறிவிப்புகளின்படி 'ரெபல், சிட்டு' ஆகிய இரண்டு படங்கள் மட்டுமே வெளியாக உள்ளது.

'ரெபல்' படத்தில் ஜிவி பிரகாஷ்குமார் கதாநாயகனாக நடிக்க, 'பிரேமலு' படப்புகழ் மமிதா பைஜு கதாநாயகியாக அறிமுகமாகிறார். அறிமுக இயக்குனர் நிகேஷ் இயக்கியுள்ள இப்படம் இந்த வாரம் மார்ச் 22ம் தேதி வெளியாக உள்ளது. இப்படத்திற்குப் போட்டியாக சொல்லிக் கொள்ளும்படி எந்தப் படமும் இல்லை.

கேரளா பின்னணியில் நடக்கும் அரசியல், மலையாளிகள், தமிழர்கள் பிரச்னைகள் என இப்படம் உருவாகி உள்ளது. டிரைலர் வெளியாகி இன்னும் 10 லட்சம் பார்வைகளைக் கூடக் கடக்காமல் இருப்பது ஆச்சரியமாக உள்ளது. இருப்பினும் படம் ஒரு பரபரப்பை ஏற்படுத்தும் என்று எதிர்பார்க்கப்படுகிறது.

• 
  'சாயரா' இந்தியாவில் நிகர வசூல் 250 கோடி
• 
  30 ஆயிரம் கோடி சொத்துக்களில் பங்கு கேட்கிறாரா கரிஷ்மா கபூர்?
• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்

• 
  துல்கர் சல்மானின் ‛காந்தா' படத்தின் ரிலீஸ் தேதி அறிவிப்பு
• 
  கமல் படத்தில் இணைந்த பிரபல ஒளிப்பதிவாளர்
• 
  உஸ்தாத் பகத்சிங் படத்தின் படப்பிடிப்பை முடித்த பவன் கல்யாண்
• 
  பிளாஷ்பேக்: 'விமர்சனப் போட்டி' என்று விளம்பரம் செய்து, விடை தெரியாமல் ...
• 
  'ஹவுஸ் மேட்ஸ்' மூலம் தமிழுக்கு வரும் அர்ஷா பைஜு