இயக்குனர் சங்க தேர்தல் : ஆர்வி உதயகுமார் தலைமையிலான நிர்வாகிகள் பதவியேற்பு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

18 மார், 2024 - 01:36 IST

எழுத்தின் அளவு:

Board-of-Directors-Election:-Officers-led-by-RV-Udayakumar-take-oath

தமிழ்த் திரைப்பட இயக்குனர்கள் சங்கத்திற்கு ஆர்வி உதயகுமார் தலைமையிலான நிர்வாகிகள் பதவி ஏற்றுள்ளனர்.

தமிழ்த் திரைப்பட இயக்குனர்கள் சங்கத்தின் 2024 - 26ம் ஆண்டுக்கான தேர்தல் நேற்று சென்னை நடந்தது. ஏற்கனவே தலைவராக இருந்த ஆர்கே செல்வமணி இந்த முறை போட்டியிடப் போவதில்லை என அறிவித்துவிட்டார். தலைவர் பதவிக்கு ஆர்.வி.உதயகுமார் மனு தாக்கல் செய்தார். இவர் தவிர துணை தலைவர்கள் பதவிக்கு கேஎஸ் ரவிக்குமார், அரவிந்த் ராஜ் ஆகியோரும், பொதுச் செயலாளர் பதவிக்கு பேரரசு, பொருளாளர் பதவிக்கு சரண் ஆகியோரும் மனு தாக்கல் செய்தனர். மேலும் இணைச் செயலாளர் பதவிகளுக்கு எழில், ஏ.வெங்கடேஷ், சுந்தர் சி ஆகியோர் மனு செய்தனர். மேற்சொன்ன இந்த பதவிகளுக்கு இவர்களை தவிர வேறும் யாரும் மனு தாக்கல் செய்யாததால் இவர்கள் அனைவரும் ஒருமனதாக அந்தந்த பதவிகளுக்கு போட்டியின்றி தேர்வாகினர்.

செயற்குழு உறுப்பினர் பதவிகளுக்கு நடந்த தேர்தலில் ராஜகுமாரன், மாதேஷ், ரமேஷ் கண்ணா, மித்ரன் ஆர்.ஜவஹர், ராஜ்கபூர், பிரபு, சரவணன் சுப்பையா, ரங்கநாதன், மனோஜ்குமார் ஆகியோர் தேர்வாகினர். தேர்ந்தெடுக்கப்பட்ட நிர்வாகிகள் அனைவரும் நேற்றே பதவி ஏற்றுக் கொண்டனர்.

Directorsunion

RVUdayakumar

tamilcinema

கருத்துகள் (0) கருத்தைப் பதிவு செய்ய

பிரான்ஸ் நாட்டிலும் ரீ ரிலீஸில் ...

டப்பிங் யூனியன் தேர்தலில் மீண்டும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய