Dinamalar

தமிழ் சினிமாவில் மீண்டும் த்ரிஷா அலை

கதாநாயக நடிகர்கள் எழுபது வயதானாலும் இருபது வயது நடிகையருடன் ஜோடியாக நடித்து டூயட் பாடுவதை தமிழ் சினிமாவும், ரசிகர்களும் ஏற்றுக் கொண்ட காலம் ஒன்று இருந்தது. இப்போது கொஞ்சம் நிலைமை மாறிவிட்டது. தங்கள் வயதுக்குப் பொருத்தமான கதாபாத்திரங்களில் மட்டும் அந்த வயதான நடிகர்கள் நடிக்க ஆரம்பித்துள்ளார்கள்.

கதாநாயகிகள் திருமணம் செய்து கொண்டால் அதன் பிறகு அவர்களை அக்கா, அண்ணி, அம்மா கதாபாத்திரங்களில் நடிக்க அழைப்பதுதான் வழக்கமாக இருந்தது. அதுவும் இப்போது கொஞ்சம் கொஞ்சமாக மாறிவருகிறது. வயதானாலும் பரவாயில்லை இளமையும், அழகும் அப்படியே இருந்தால் கதாநாயகிகளாகத் தொடரலாம் என இயக்குனர்களும், ரசிகர்களும் நினைத்துவிட்டார்கள்

தமிழ் சினிமாவில் 21 வருடங்களாக கதாநாயகியாக நடித்து வரும் ஒரே நடிகை த்ரிஷா மட்டுமே. 2002ம் ஆண்டு 'மௌனம் பேசியதே' படத்தில் கதாநாயகியாக நடிக்க ஆரம்பித்தவருக்கு நடுவில் சில வருடங்கள் மட்டும் சிறந்த வெற்றிகள் அமையவில்லை. ஆனால், '96' படம் அவரை மீண்டும் உச்சத்திற்குக் கொண்டு வந்தது. அடுத்து வெளிவந்த 'பொன்னியின் செல்வன் 1, 2' ஆகிய படங்கள் த்ரிஷாவைப் பற்றி அதிகம் பேச வைத்தது. அதன் தொடர்ச்சியாக விஜய் நடிக்கும் 'லியோ' படத்தில் நடித்து வருகிறார். அடுத்து அஜித்தின் 'விடாமுயற்சி' படத்திலும், தனுஷின் பெயரிடப்படாத 50வது படத்திலும் அவர்தான் கதாநாயகி என்று தகவல் பரவி வருகிறது.

த்ரிஷாவின் அடுத்த வெளியீடாக 'த ரோட்' படம் வெளிவர உள்ளது. மீண்டும் தனது ஆரம்ப கால அலையை த்ரிஷா உருவாக்கி வருகிறார்.

• 
  புதுமுகங்கள் நடித்த 'மன்னு க்யா கரேகா' டிரைலர் வெளியீடு
• 
  அக்ஷய் குமாரின் ஹிந்தி படத்தில் கெஸ்ட் ரோலில் நடிக்கும் மோகன்லால்
• 
  'பிக் பாஸ்' ஹிந்தி, சீசன் 19 ஆரம்பம்
• 
  இந்தியாவில் 400 கோடி வசூல் கடந்த 'சாயரா'
• 
  பிரியதர்ஷன் படப்பிடிப்புக்காக கேரளாவில் முகாமிட்ட அக்ஷய் குமார் - சைப் ...

• 
  சிவகார்த்திகேயனை தொடர்ந்து ராகவா லாரன்ஸூக்கு வில்லன் ஆன ரவி மோகன்!
• 
  தமிழில் ‛வானம்' படம் உருவானது எப்படி? இயக்குனர் விளக்கம்!
• 
  நடிப்பதை விட படம் தயாரிப்பதில் மகிழ்ச்சி: சிவகார்த்திகேயன்
• 
  கல்லூரி சாலை ‛ஜெய்சங்கர் சாலை' ஆனது: அரசாணை வெளியீடு
• 
  மறைந்த நடிகை ஸ்ரீதேவியின் ஈசிஆர் சொத்துக்களை அபகரிக்க முயற்சி! ...