Dinamalar

2வது திருமணம் செய்த ‛அனேகன்' நடிகை : ககன்யான் விண்வெளி வீரரை மணந்தார்

மலையாள திரையுலகில் கடந்த 20 ஆண்டுகளாக விதவிதமான, வித்தியாசமான கதாபாத்திரங்களில் நடித்து வருபவர் குணச்சித்திர நடிகை லேனா. தமிழில் அனேகன், திரவுபதி ஆகிய படங்களில் டாக்டராக நடித்திருந்தார். மலையாளத்தில் தற்போதும் பிசியான குணச்சித்திர நடிகையாக நடித்து வருகிறார் லேனா.

கடந்த 2004-ம் வருடம் அபிலாஷ் குமார் என்கிற கதாசிரியரை திருமணம் செய்த லேனா 2013ல் அவரிடமிருந்து விவாகரத்து பெற்று பிரிந்தார். விவகாரத்து உத்தரவு வந்தபோது நீதிமன்ற கேன்டீனில் தாங்கள் இருவரும் ஒரே கிண்ணத்தில் குலோப் ஜாமூனை பகிர்ந்து சாப்பிட்டுக் கொண்டு இருந்ததாக கூறும் அளவுக்கு முதல் கணவரிடம் இருந்து நட்பாகவே பிரிந்தார்.

இந்தநிலையில் பத்து வருடங்கள் கழித்து தற்போது பிரசாந்த் பாலகிருஷ்ணன் நாயர் என்பவரை இரண்டாவது திருமணம் செய்து கொண்டுள்ளார் லேனா. இவர் இந்திய விமான படையில் பைலட்டாக பணிபுரிகிறார். ககன்யான் என்று பெயரிடப்பட்ட இந்தியாவின் முதல் மனித விண்வெளிப் பயணத் திட்டத்தின் ஒரு பகுதியாக பிரசாந்த் இருந்துள்ளார்.

கடந்த ஜனவரி மாதமே தாங்கள் திருமணம் செய்து கொண்டோம் என்று கூறியுள்ள லேனா, இது பெரியவர்களால் ஏற்பாடு செய்யப்பட திருமணம் தான். நேற்று(பிப்-27) கேரளா வந்த பிரதமர் மோடியின் கையால் சிறந்த விமானப்படை வீரருக்கான விருதை பிரசாந்த் பாலகிருஷ்ணன் பெற்ற பின்னர் தான் தங்களது திருமணத்தை வெளிப்படையாக அறிவிக்க வேண்டும் என காத்திருந்ததாகவும் கூறியுள்ளார்.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்