Dinamalar

50வது நாளில் 'பார்க்கிங்'

2023ம் ஆண்டு வெளிவந்த படங்களில் விமர்சன ரீதியாக குறிப்பிடத்தக்க வரவேற்பைப் பெற்ற படம் 'பார்க்கிங்'. அறிமுக இயக்குனர் ராம்குமார் பாலகிருஷ்ணன் இயக்கத்தில், ஹரிஷ் கல்யாண், இந்துஜா, எம்எஸ் பாஸ்கர் மற்றும் பலர் நடிப்பில் டிசம்பர் 1ம் தேதி வெளியான படம்.

டிசம்பர் முதல் வாரத்தில் ஏற்பட்ட மழை, வெள்ளம் காரணமாக இந்தப் படத்தின் வசூல் கொஞ்சம் பாதிக்கப்பட்டது. இல்லையென்றால் அதிகமான வசூலைப் பெற்ற சிறிய படங்களில் ஒன்றாக அமைந்திருக்கும். இருப்பினும் அதைக் கடந்து ஓடி நேற்று 50வது நாளை இப்படம் தொட்டிருக்கிறது. வசூல் ரீதியாக லாபகரமான படமாக அமைந்துள்ளதாக கோலிவுட் வட்டாரங்களும் தெரிவிக்கின்றன.

படம் 50 நாளைத் தொட்ட மகிழ்ச்சியில் படத்தின் நாயகன் ஹரிஷ் கல்யாண், படத்திற்காக டப்பிங் பேசிய வீடியோ ஒன்றை வெளியிட்டு, “முதல் நாளிலிருந்தே 'பார்க்கிங்' படத்தை நான் உறுதியாக நம்பினேன். இந்த அற்புதமான வெற்றியின் மூலம் நீங்கள் அனைவரும் என்னை மேலும் நம்ப வைத்துள்ளீர்கள். இந்த வெற்றி உங்கள் அனைவராலும்தான், அனைவருக்கும் நன்றி. எனது குழுவை நேசிக்கிறேன்,” எனக் குறிப்பிட்டுள்ளார்.

2023ம் ஆண்டு வெளிவந்து விமர்சன ரீதியாக பாராட்டைப் பெற்று, வசூலையும் பெற்ற சில படங்களின் வரிசையில் கடைசியாக சேர்ந்த படம் 'பார்க்கிங்'. கடந்த வருடத்தில் வெளியாகி இந்த வருடத்தில் 50வது நாளைத் தொட்டுள்ளது.

• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்

• 
  புகழ்ச்சியை தலையில் ஏற்றிக் கொள்ள மாட்டேன்! : கல்யாணி பிரியதர்ஷன்
• 
  விஜய்யின் தந்தை இயக்குனர் எஸ்.ஏ.சி.,யை டென்ஷன் ஆக்கிய கேள்வி!
• 
  சிம்புவின் ‛அரசன்' படத்தில் இடம் பெறும் மூன்று முன்னணி நடிகைகள்!
• 
  நாகார்ஜுனாவின் 100வது படத்தில் இணையும் நாகசைதன்யா - அகில்
• 
  டீசலுக்காக படகு ஓட்டவும் மீன்பிடிக்கவும் பயிற்சி எடுத்த ஹரிஷ் கல்யாண்