Dinamalar

'கேப்டன் மில்லர்' வெளியீடு : முன்னறிவிப்பாளர்கள் கோபம்

தனுஷ், பிரியங்கா மோகன் மற்றும் பலர் நடித்துள்ள 'கேப்டன் மில்லர்' படம் டிசம்பர் 15ம் தேதி வெளியாவதாக இருந்தது. ஆனால், திடீரென பொங்கலுக்கு படத்தை வெளியிடுவதாக அறிவித்தனர். பொங்கலுக்கு வருகிறோம் என ஏற்கெனவே, 'அயலான், அரண்மனை 4, லால் சலாம்' ஆகிய படங்களை அறிவித்திருந்தார்கள்.

அந்தப் படங்களுக்கே தியேட்டர்களை பிரித்துக் கொடுப்பதில் தடுமாற்றம் நிலவி வரும் சூழலில் தற்போது 'கேப்டன் மில்லர்' படமும் அந்தப் போட்டியில் வந்துள்ளது. இது முன்னர் அறிவித்தவர்களை கோபத்தில் ஆழ்த்தியுள்ளதாகத் திரையுலகத்தில் தெரிவிக்கிறார்கள். 'அயலான்' படத்தை ஏற்கெனவே தீபாவளிக்கு வெளியிடுவதாக அறிவித்து பின் பொங்கலுக்குத் தள்ளி வைத்தார்கள். அப்படம் கடந்த சில வருடங்களாக படமாக்கப்பட்டு இப்போதுதான் வெளிச்சத்திற்கு வந்துள்ளது.

தனுஷின் முன்னாள் மனைவியான ஐஸ்வர்யா ரஜினிகாந்த் இயக்க ரஜினிகாந்த் சிறப்புத் தோற்றத்தில் நடிக்கும் 'லால் சலாம்' படம் பொங்கலுக்கு வராது, தள்ளிப் போகலாம் என ஒரு தகவல் வெளியானதால்தான் 'கேப்டன் மில்லர்' படத்தை பொங்கலுக்கு வெளியிடுவதாக அறிவித்தார்களாம். ஆனால், அன்றைய தினத்தில் படம் வந்தே ஆக வேண்டும் என ஐஸ்வர்யா முடிவெடுத்து வேலைகளை முடுக்கி விட்டாராம். அதனால்தான், டீசர் பற்றிய அறிவிப்பும் வெளியாகியது என்கிறார்கள்.

இப்போது நான்கு படங்கள் போட்டியிட உள்ள சூழலில் எந்தப் படமாவது வெளியீடு தள்ளிப் போகுமா என்பது இனிமேல்தான் தெரியும்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு