Dinamalar

'லியோ' முதல் நாள் முதல் காட்சி டிக்கெட் விலை ரூ.5000 ?

லோகேஷ் கனகராஜ் இயக்கத்தில், விஜய் நடித்து அடுத்த வாரம் வெளிவர உள்ள படம் 'லியோ'. இப்படத்திற்கு அதிகாலை சிறப்புக் காட்சி, காலை சிறப்புக் காட்சி ஆகியவை வேண்டுமென தயாரிப்பு நிறுவனமும் மற்றவர்களும் எதற்காக கோரிக்கை வைத்தனர் என்பது தற்போது தெரிய வந்துள்ளது.

படத்தை இதுவரை இல்லாத அளவிற்கு மிக அதிக விலைக்கு விற்றுள்ளனர். அதனால், சிறப்புக் காட்சிகளை நடத்தி அவற்றின் முன்பதிவு மூலம் வசூல் செய்தால்தான் படத்தின் அசல் தொகையையாவது திரும்பப் பெற முடியும். மேலும், இதுவரை இல்லாத அளவிற்கு 'லியோ' வசூலித்தது, சாதனை புரிந்தது என்ற செய்திகளையும் பரப்புவதற்காக தற்போது டிக்கெட் கட்டணங்களை நிர்ணயித்துள்ளதாகத் தெரிகிறது.

முதல் நாள் முதல் காட்சி கட்டணமாக சென்னையில் 3000 ரூபாய் முதல் 5000 ரூபாய் வரை கேட்டதாக ரசிகர்கள் சமூக வலைத்தளங்களில் பகிர்ந்து வருகிறார்கள். மற்ற நகரங்களில் 1000 ரூபாய் வரை கட்டணத்தை நிர்ணயித்துள்ளதாகத் தகவல் வெளியாகி உள்ளது.

அரசு நிர்ணயிக்கும் கட்டணங்களை விட ரசிகர் மன்றக் காட்சி என இப்படி 'காலை கொள்ளை' அடிப்பதற்கு அரசு நிர்வாகம் அனுமதி அளிக்கக் கூடாது என்றும் சிலர் பேசி வருகிறார்கள். மற்ற கொள்ளைகளைப் பற்றி படங்களில் வாய் கிழிய வசனம் பேசும் ஹீரோக்கள் அவர்களது படங்களுக்கான டிக்கெட் கட்டணக் கொள்ளையைப் பற்றி வாயைத் திறக்க மறுக்கிறார்கள் என்றும் பலர் குற்றம் சாட்டுகிறார்கள்.

• 
  ஹிந்தி பட வசூலில் நம்பர் 1 சாதனை புரிந்த 'ஸ்திரீ 2'
• 
  'எமர்ஜென்சி' விவகாரம் : கங்கனாவிற்கு நீதிமன்றம் நோட்டீஸ்
• 
  'லவ் அண்ட் வார்' ரிலீஸ் தேதி அறிவிப்பு: 2 வருடங்களுக்கு பிறகு ...
• 
  திருமண மோதிரம் 'மிஸ்ஸிங்' : மீண்டும் பிரிவு சர்ச்சையில் ஐஸ்வர்யா ராய்
• 
  என் தந்தையே எனது மிகப்பெரிய விமர்சகர் : பாடகி டூ நடிகை த்வானி பனுஷாலி ...

• 
  மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல்
• 
  ஹேமா கமிட்டி ஒரு ‛கேம் சேஞ்சர்' : சம்யுக்தா மேனன்
• 
  நடிகை பார்வதி நாயர் மீது வழக்குப்பதிவு: எதற்காக தெரியுமா?
• 
  தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை
• 
  ‛குட் பேட் அக்லி' படத்தில் இணைந்த அர்ஜுன் தாஸ்