Dinamalar

நாகார்ஜூனா படத்தில் இணைந்த இரண்டு இளம் நாயகிகள்!

தெலுங்கு சினிமாவில் சீனியர் நடிகர் நாகார்ஜூனா இவர் தெலுங்கு சினிமா அல்லாமல் தமிழ் படங்களிலும் அவ்வப்போது நடித்து தமிழ் சினிமா ரசிகர்களுக்கும் பிரபலமானவர். வெற்றி, தோல்விகளை கடந்து இன்னும் ஹீரோவாக நடித்து வருகிறார். சமீபத்தில் நாகார்ஜூனாவின் 99வது படத்திற்கு 'நா சாமி ரங்கா' என தலைப்பு வைத்துள்ளதாக அறிவித்தனர். இந்த படத்தை நடன இயக்குனர் விஜய் பென்னி இயக்குகிறார். ஸ்ரீனிவாசா சில்வர் ஸ்கிரீன் நிறுவனம் தயாரிப்பில் உருவாகும் இப்படத்திற்கு எம்.எம்.கீரவாணி இசையமைக்கிறார். 2024 பொங்கலுக்கு இந்த படம் வெளியாகிறது.
இப்போது இந்த படத்தில் நடிக்க இளம் கதாநாயகிகள் ஆஷிகா ரங்கநாத், ஜெயிலர் படத்தில் பிரபலமான நடிகை மிர்ணா மேனன் இருவரும் ஒப்பந்தம் ஆகியுள்ளதாக தகவல் வெளியாகியுள்ளது.

• செய்திகள்
• ஆல்பம்