Dinamalar

ஷங்கரின் 'கேம் சேஞ்சர்' படப்பிடிப்பு ரத்து : காரணம் என்ன?

தெலுங்கில் ஷங்கர் இயக்கத்தில், தமன் இசையமைப்பில், ராம் சரண், கியாரா அத்வானி மற்றும் பலர் நடித்து வரும் படம் 'கேம் சேஞ்சர்'. கடந்த 2021ம் ஆண்டு அக்டோபர் மாதம் இப்படத்தின் படப்பிடிப்பு ஆரம்பமானது. கடந்த இரண்டு வருடங்களாக இப்படத்தின் படப்பிடிப்பு நடைபெற்று வருகிறது. படப்பிடிப்பு எப்போது முடியும் என ராம் சரண் ரசிகர்கள் ஆவலுடன் காத்திருக்கிறார்கள்.

கடந்த வாரம் இப்படத்தின் முக்கிய சண்டைக் காட்சிகளின் படப்பிடிப்பு ஐதராபாத்தில் ஆரம்பமாகி நடக்க வேண்டியிருந்தது. ஆனால், பின்னர் அது ரத்து செய்யப்பட்டது. படத்தில் நடிக்க வேண்டிய சிலரது தேதிகள் கிடைக்கவில்லை என்று சொல்லப்பட்டது. இந்நிலையில் படத்தின் கதாநாயகன் ராம் சரணுக்கு முகத்தில் லேசான காயம் ஏற்பட்டுள்ளதாகவும், டாக்டர் அவரை பத்து நாட்கள் ஓய்வு எடுத்துக் கொள்ளச் சொன்னதாகவும் தகவல் வெளியாகியுள்ளது.

இதையடுத்து அடுத்த மாதத்திற்கு படப்பிடிப்பைத் தள்ளி வைத்துள்ளார்களாம். அடுத்த வருட கோடை விடுமுறைக்காவது இப்படம் வெளிவருமா என்று காத்திருக்கிறார்கள். படப்பிடிப்பு தள்ளிப் போவதால் வெளியீடும் மேலும் சில மாதங்கள் தள்ளிப் போகலாம் என்கிறார்கள்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  மத்திய அமைச்சர் ராஜ்நாத் சிங்கை சந்தித்து வாழ்த்து பெற்ற அமரன் ...
• 
  எனக்கு கடவுள் நம்பிக்கை அதிகம் - ராஷி கண்ணா
• 
  சூர்யா 45 படத்தில் ‛லப்பர் பந்து' நடிகை
• 
  சிவராஜ் குமாருக்கு பதிலாக விஷால்
• 
  விஜய் மகன் இயக்கும் படத்தில் சந்தீப் கிஷன் : அதிகாரப்பூர்வ அறிவிப்பு