Dinamalar

ஜெயிலர் ஜாபருக்கு கூலிங் கிளாஸ் பரிசளித்த ரஜினி

நெல்சன் திலீப்குமார் இயக்கத்தில் ரஜினிகாந்த் நடிப்பில் கடந்த ஆகஸ்ட் 10ம் தேதி ஜெயிலர் திரைப்படம் வெளியானது. வெளியான முதல் நாளில் இருந்தே மிகப்பெரிய வரவேற்பை பெற்று வசூல் ரீதியாகவும் சாதனைகளை படைத்து வருகிறது ஜெயிலர் திரைப்படம். அது மட்டுமல்ல இந்த படத்தில் நடித்த பல நடிகர்களுக்கு புகழ் வெளிச்சமும் பாய்ச்சி உள்ளது. அந்த வகையில் இந்த படத்தில் படம் முழுவதும் ரஜினி உடனேயே பயணிக்கும் விதமாக நடித்திருந்த நடிகர் ஜாபர் சாதிக், விக்ரம் படத்தை தொடர்ந்து இந்த படத்தின் மூலம் இன்னும் அதிக கவனம் பெற்றுள்ளார்.

குறிப்பாக ரஜினியுடன் இணைந்து காமெடி மற்றும் நடன காட்சியில் நடித்துள்ள இவருக்கு ரசிகர்கள் பலரும் தங்களது பாராட்டுகளை தெரிவித்து வருகின்றனர். இந்த நிலையில் இந்த படத்தில் ரஜினிகாந்த் பெரும்பாலான காட்சிகளில் தான் அணிந்து நடித்த கூலிங் கிளாஸை ஜாபருக்கு பரிசாக வழங்கியுள்ளார். குறிப்பாக இந்த படத்தில் பல காட்சிகளில் ரஜினிகாந்த் தனது ஆட்களுக்கு சிக்னல் கொடுக்கும் ஒரு ஆயுதமாக இந்த கூலிங் கிளாஸை பயன்படுத்தியிருந்தார். படத்தில் இந்த கூலிங் கிளாஸ் மட்டும் தனியே காட்டப்படும் காட்சிகளில் கூட ரசிகர்கள் மிகப்பெரிய அளவில் கைதட்டி ரசித்தனர். இந்த நிலையில் அப்படி ஒரு கூலிங் கிளாஸ் தனக்கு ரஜினிகாந்த்திடம் இருந்து பரிசாக கிடைத்த தகவலை மகிழ்ச்சியுடன் பகிர்ந்து கொண்டுள்ளார் ஜாபர் சாதிக்.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  எனக்கும் ஒரு எதிர்காலம் உள்ளது... வதந்தி பரப்பாதீங்க : பவித்ரா லட்சுமி
• 
  பிரியங்கா மோகனின் துருக்கி கனவு நனவானது
• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு