ஹிந்தியிலும் அழுத்தமாய் தடம் பதிக்கும் அனிருத்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

01 ஆக, 2023 - 10:28 IST

எழுத்தின் அளவு:

தமிழில் இன்றைய இளம் இசையமைப்பாளர்களில் முன்னணியில் இருப்பவர் அனிருத். அவரது பல பாடல்கள் யு-டியுப் தளத்தில் 100 மில்லியன் பார்வைகளைக் கடந்துள்ளன. தமிழில் ரஜினிகாந்த், கமல்ஹாசன், விஜய், அஜித் என முன்னணி டாப் நடிகர்களுடன் பணி புரிந்துள்ளவர் அனிருத்.

ஹிந்தியில் ஷாரூக்கான் நடிக்கும் 'ஜவான்' படத்தின் மூலம் தற்போது பரபரப்பை ஏற்படுத்தியுள்ளார். ஏற்கெனவே அப்படத்தின் அறிமுக வீடியோ, பிரிவியூ, டிரைலர் ஆகியவற்றில் அவரது இசை பேசப்பட்டது. நேற்று முதல் சிங்கிளான “ஜந்தா பந்தா” என்ற பாடல் வெளியானது. இப்பாடல் வெளியான 21 மணி நேரங்களில் 29 மில்லியன் பார்வைகளைப் பெற்றுள்ளது. இதன் தமிழ்ப் பாடலான 'வந்த இடம்' 5 மில்லியன் பார்வைகளையும், தெலுங்குப் பாடலான 'தும்மே துலிபேலா' 4 மில்லியன் பார்வைகளையும் கடந்துள்ளது.

மூன்று மொழிகளிலும் 24 மணிநேரத்தில் இந்த பாடலுக்கு 46 மில்லியனுக்கும் அதிகமான பார்வைகள் கிடைத்தன.

ஹிந்தியில் இதற்கு முன்பு 'ஜெர்ஸி' படத்திற்கு பின்னணி இசையை மட்டும் அமைத்திருந்தார் அனிருத். பாடல்கள், பின்னணி இசை என முழுமையாக அவர் இசையமைக்கும் முதல் படமான 'ஜவான்' படம் மூலம் ஹிந்தியிலும் அழுத்தமாய் தடம் பதித்துள்ளார்.

Anirudh

Jawan

Shahrukhkhan

Nayanthara

கருத்துகள் (0) கருத்தைப் பதிவு செய்ய

'கேம் சேஞ்சர்' : அப்டேட் கொடுத்த ...

தொடர் டிரெண்டிங்கில் பகத் பாசில்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய