Dinamalar

'ப்ரோ' படத்திற்கு வரவேற்பு, வசூல் எப்படி உள்ளது ?

சமுத்திரக்கனி இயக்கத்தில் தமிழில் ஓடிடியில் வெளிவந்த 'வினோதய சித்தம்' படம் தெலுங்கில் 'ப்ரோ' என்ற பெயரில் ரீமேக் செய்யப்பட்டு ஜுலை 28ல் வெளியானது. பவன் கல்யாண், சாய் தரம் தேஜ் மற்றும் பலர் நடித்த இப்படத்திற்கு விமர்சகர்களிடமும், ரசிகர்களிடமும் வரவேற்பு கிடைத்துள்ளது.

கடந்த இரண்டு நாட்களில் இப்படம் ஆந்திரா, தெலங்கானாவில் மொத்த வசூலாக 50 கோடியையும், உலகம் முழுவதும் மொத்தமாக 70 கோடியையும் கடந்து வசூலித்துள்ளதாகத் தகவல் வெளியாகி உள்ளது. இப்படத்தின் மொத்த வியாபாரம் சுமார் 100 கோடி வரை நடந்துள்ளதாம். அதனால், அதற்கும் அதிகமாக வசூலித்தால் மட்டுமே படம் லாபத்தைக் கொடுக்கும் என்கிறார்கள். இன்னும் 50 கோடி வசூலைக் கடந்தால் படம் லாபம் என்று பாக்ஸ் ஆபீஸ் வட்டாரங்களில் தெரிவிக்கிறார்கள். இன்று ஞாயிற்றுக் கிழமை விடுமுறை தினம் என்பதால் நல்ல முன்பதிவு செய்யப்பட்டுள்ளதாம். அடுத்த சில நாட்களில் அந்த 50 கோடி வசூலைக் கடந்துவிடும் என்றும் தெரிவிக்கிறார்கள்.

ஆந்திரா, தெலங்கானாவில் கடும் மழை பெய்து வரும் சூழ்நிலையிலும் ரசிகர்கள் தியேட்டர்களுக்கு வந்து படம் பார்ப்பது குறிப்பிட வேண்டிய ஒன்று.

• 
  பாலிவுட்டின் மூத்த நடிகை காமினி கவுசல் காலமானார்
• 
  அனிமேஷன் கேரக்டருக்கு குரல் கொடுத்தது சுவாரஸ்யம் : ஷ்ரத்தா கபூர்
• 
  பின்வாங்கிய ராஜ்குமார் ஹிரானி, அமீர் கான் : அப்போ ராஜமவுலிக்கு வெற்றியா?
• 
  பிரதமர் மோடியின் அம்மா வேடத்தில் நடிக்கும் ரவீனா டாண்டன்
• 
  நலமாக இருக்கிறேன் : மருத்துவமனையிலிருந்து வீடு திரும்பினார் கோவிந்தா

• 
  குடும்பங்கள் கொண்டாடிய படங்களின் இயக்குனர் வி சேகர் காலமானார்
• 
  கும்கி 2 படத்தை வெளியிட அனுமதி
• 
  பல ஹீரோக்கள் இதை விரும்பமாட்டார்கள் - ஆண்ட்ரியா
• 
  ராஷ்மிகாவுக்கு தேசிய விருது நிச்சயம் : தேவிஸ்ரீ பிரசாத் நம்பிக்கை
• 
  பெங்களூர் டேஸ் படத்தை ரீமேக் செய்து கெடுத்து விட்டோம் : ராணா