Dinamalar

மூன்றாவது முறையாக ரீ-ரிலீஸ் ஆகும் வசந்த மாளிகை!

கடந்த 1972ம் ஆண்டில் இயக்குனர் கே.எஸ்.பிரகாஷ் ராவ் இயக்கத்தில் சிவாஜி கணேசன், வாணி ஸ்ரீ, மேஜர் சுந்தரராஜன், நாகேஷ், மனோரமா உள்ளிட்டோர் நடித்து வெளிவந்த திரைப்படம் வசந்த மாளிகை. கே.வி.மகாதேவன் இசையில் கண்ணதாசன் எழுதிய அனைத்து பாடல்களும் ஹிட்டானது. இந்த படம் வெளிவந்த காலகட்டத்தில் தமிழகத்தில் 200 நாட்கள் ஓடியது. மலேசியா, சிங்கப்பூர், இலங்கை போன்ற வெளிநாடுகளில் வசூலை குவித்தது.

ஏற்கனவே இந்த படத்தை டிஜிட்டல் மையமாக்கி இரண்டு முறை தமிழகத்தில் ரீ-ரிலீஸ் செய்யப்பட்டு ரசிகர்களிடையே ஆதரவைப் பெற்றது. இந்த நிலையில் இந்த படத்தை மூன்றாவது முறையாக மீண்டும் டிஜிட்டல் முறையில் தமிழகத்தில் 100 தியேட்டர்களில் வரும் ஜூலை 21ம் தேதி வெளியாகிறது.

• செய்திகள்