Dinamalar

ஜுலை 14ல் 3 படங்கள் ரிலீஸ்

ஜுலை மாதத்தின் முதல் வெள்ளிக்கிழமையான கடந்த வாரம் ஜுலை 7ம் தேதி 6 நேரடி தமிழ்ப் படங்கள் வெளியாகின. அந்தப் படங்கள் அனைத்துமே ரசிகர்களின் வரவேற்பைப் பெறவில்லை. அனைத்துமே சிறிய படங்களாக இருந்தாலும் 'பம்பர்' படத்திற்கு மட்டும் விமர்சகர்களின் பாராட்டுக்கள் இருந்தது. ஆனாலும், அந்தப் படத்திற்கு எதிர்பார்த்த அளவில் தியேட்டர்களுக்கு ரசிகர்கள் வரவில்லை.

இந்த வாரம் ஜுலை 14ம் தேதி வெறும் 3 படங்கள் மட்டுமே வெளியாக உள்ளதாக அறிவிக்கப்பட்டுள்ளது. 'மண்டேலா' படத்தின் மூலம் தேசிய விருது பெற்ற இயக்குனரான மடோன் அஷ்வின் இயக்கத்தில் சிவகார்த்திகேயன், அதிதி, யோகிபாபு, மிஷ்கின் மற்றும் பலர் நடித்துள்ள 'மாவீரன்', ராஜ்மோகன் ஆறுமுகம் இயக்கத்தில் ஆர்ஜே விக்னேஷ்காந்த், அம்மு அபிராமி, அப்துல் அயாஸ், அபிராமி மற்றும் பலர் நடித்துள்ள 'பாபா பிளாக் ஷீப்', நித்யானந்தம் இயக்கத்தில் ஆதித், வினிதா, அரவிந்த்ராஜ் மற்றும் பலர் நடித்துள்ள 'நேற்று நான் இன்று நீ' ஆகிய படங்கள் வெளியாக உள்ளன.

இவற்றில் 'மாவீரன்' படம் தமிழகம் முழுவதும் அதிக தியேட்டர்களில் வெளியாகிறது. சிவகார்த்திகேயன் நடித்து இதற்கு முன்பு வெளியான 'ப்ரின்ஸ்' படம் தோல்வியடைந்த நிலையில் இந்தப் படம் தனக்கு மீண்டும் ஒரு பெரிய வெற்றியைப் பெற்றுத் தரும் என்ற நம்பிக்கையுடன் இருக்கிறார் சிவகார்த்திகேயன்.

• 
  செருப்பு அணிந்து அபுதாபி மசூதிக்குள் சென்றாரா சோனாக்ஷி சின்ஹா?
• 
  பண்ணை வீடு திருட்டு சம்பவம் ; துப்பாக்கி லைசென்ஸுக்கு விண்ணப்பித்த ...
• 
  சுஹர்ஷ் ராஜ் நடித்த மியூசிக் வீடியோ: அனூப் ஜலோடா, பாடகி மதுஸ்ரீ பாராட்டு
• 
  ஹ்ரித்திக் ரோஷன் தயாரிப்பில் உருவாகும் புதிய வெப் தொடர்
• 
  100 கோடி கொடுத்தாலும் சஞ்சய் லீலா பன்சாலியுடன் பணியாற்ற மாட்டேன் : ...

• 
  காந்தாரா சாப்டர்-1 : நேஷனல் கிரஷ் ஆன ருக்மணி வசந்த்!
• 
  மீண்டும் ஹிந்தியில் கால் பதிக்கும் ராஷி கண்ணா!
• 
  பிரதமருடன் நடிகர் ராம் சரண் சந்திப்பு
• 
  3வது முறையாக ரஜினி- நெல்சன் கூட்டணி இணையப்போகிறது?
• 
  தீபாவளிக்கு வெளியாகும் 'கருப்பு' படத்தின் முதல் பாடல்!