குறுகிய கால தயாரிப்பாக கமல்ஹாசன் 233

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

05 ஜூலை, 2023 - 01:06 IST

எழுத்தின் அளவு:

Kamal-Haasan-233-movie-will-made-in-short-period

'சதுரங்க வேட்டை, தீரன் அதிகாரம் ஒன்று, நேர் கொண்ட பார்வை, வலிமை, துணிவு' ஆகிய படங்களை இயக்கிய எச் வினோத் அடுத்து கமல்ஹாசனின் 233வது படத்தை இயக்க உள்ளார். இப்படத்திற்கான அதிகாரப்பூர்வ அறிவிப்பு நேற்று வெளியானது.

கடந்த சில மாதங்களாகவே கமல்ஹாசன், வினோத் கூட்டணி பற்றி செய்திகள் வெளிவந்தன. ஆனால், எந்த விதமான அறிவிப்புகளும் வெளியாகாமல் இருந்தது. அதே சமயம் மணிரத்னம் - கமல்ஹாசன் கூட்டணி நீண்ட இடைவெளிக்குப் பின் இணையும் கமல்ஹாசனின் 234வது படம் பற்றிய அறிவிப்பு வெளிவந்தது. அதனால் கமல்ஹாசன், வினோத் கூட்டணி பற்றிய சந்தேகம் இருந்து வந்தது.

மணிரத்னம் தற்போது கதை விவாதத்தை நடத்திக் கொண்டு திரைக்கதை, வசனம் எழுதும் வேலைகளில் இருக்கிறாராம். அது முடிவதற்கே இன்னும் சில மாதங்கள் ஆகும் என்கிறார்கள். அதைப் பிரம்மாண்டப் படமாக எடுக்கத் திட்டமிட்டுள்ளார்கள். எனவே, அதற்கான முன்கட்ட வேலைகள் நிறைய இருக்கிறதாம். அந்த வேலைகள் முடிவதற்குள்ளாக குறுகிய கால தயாரிப்பாக கமல்ஹாசன் 233 இருக்கும் என்கிறார்கள். இதற்கான வேலைகளை வினோத் ஏற்கெனவே முடித்துவிட்டாராம்.

கமல்ஹாசன் தொகுத்து வழங்கும் 'பிக் பாஸ்' நிகழ்ச்சி சில வாரங்களில் ஆரம்பமாக உள்ளது. அதை நடத்திக் கொண்டே இடையிடையே 233வது படத்திலும் கமல் நடித்துவிடுவாராம். 'பிக் பாஸ், கமல்ஹாசன் 233' இரண்டும் முடிந்த பிறகு கமல்ஹாசன் 234 படத்தை ஆரம்பிக்கத் திட்டம் எனத் தகவல். இதுதவிர பிரபாஸ் உடன் ப்ராஜெக்ட் கே படத்திலும் நடிக்க போகிறார் கமல்.

KH233

Kamalhaasan

Hvinoth

RKFI52

RisetoRule

கருத்துகள் (0) கருத்தைப் பதிவு செய்ய

ஹீரோயின் ஆசை இல்லாத நடிகை

அல்போன்ஸ் புத்ரனின் புதிய படம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய