Dinamalar

'மாவீரன்' டிரைலர் - சிவகார்த்திகேயனுக்கு, வானத்தில் என்ன தெரிகிறது?

மடோன் அஷ்வின் இயக்கத்தில், பரத் சங்கர் இசையமைப்பில், சிவகார்த்திகேயன், அதிதி சங்கர், மிஷ்கின், சரிதா மற்றும் பலர் நடிக்கும் 'மாவீரன்' படத்தின் டிரைலர் சற்று முன் வெளியாகியது.

அப்பாவியான சிவகார்த்திகேயன் ஏதோ ஒரு சக்தியால் அதிரடியாக இறங்கி ஆக்ஷன் ஹீரோவாக அரசியல் செய்யும் கதைதான் இந்த 'மாவீரன்' என டிரைலரைப் பார்க்கும் போது ஓரளவுக்குப் புரிகிறது.

வட சென்னை குடும்பத்தைச் சேர்ந்த ஒரு சராசரி இளைஞனராக சிவகார்த்திகேயன். கடந்த சில படங்களில் கொஞ்சம் அடக்கி வாசிக்காமல், லேசான அலட்டலுடன் நடித்த சிவகார்த்திகேயன் இந்தப் படத்தில் மீண்டும் பழைய சிவகார்த்திகேயனாக மாறியிருக்கிறார். மாற்றம் நல்லதே. அரசியல் தலைவராக மிஷ்கின் உருட்டி மிரட்டுகிறார். அதிதி சங்கர் வழக்கமான காதலியாக இருப்பாரோ என்ற சந்தேகம் மட்டும் வருகிறது. சிவகார்த்திகேயனின் நண்பனாக, காமெடியனாக யோகிபாபு சிரிக்க வைப்பார் என்று நம்பலாம்.

“போஸ்டரையே வெறி புடிச்சவன் மாதிரி அடிச்சான், சாதி சொல்லி சொல்லி அடிச்சாங்க, எமனே தவறு செய்தாலும் தட்டிக் கேட்பேன், கட்சிக்காரன்னா என்ன கொம்பா முளைச்சிருக்குது, நான் அரசியல்வாதிடா… உங்க கதையெல்லாம் எழுதறவனே நான்தான்,” என டிரைலரில் உள்ள வசனங்கள், சாதி அரசியலை சொல்லும் படமாகவும் இருக்கும் என காட்டுகிறது. தனது முதல் படமான 'மண்டேலா' படத்திலேயே சாதி அரசியலைப் பேசிய இயக்குனர் மடோன் அஸ்வின் இந்தப் படத்திலும் அதைத் தொட்டிருக்கிறார்.

'தினத் தீ' என்ற பத்திரிகையில் கார்ட்டூனிஸ்ட் ஆக வேலை செய்யும் சிவகார்த்திகேயன் கதாபாத்திரம். டிரைலரின் இடையிடையே அவர் வானத்தை பார்க்கிறார். பிறகு அவருக்கு ஏதோ ஒரு சக்தி கிடைக்கிறது என்பது போல் இந்த டிரைலர் அமைந்துள்ளது. வானத்தில் அவர் என்ன பார்க்கிறார் என்பது படம் வெளியாகும் போது தெரியவரும். இதனைப் பார்க்கும் போது 'ஸ்பைடர்மேன்' படத்தின் ரெபரன்ஸ் இருக்கிறதோ எனத் தோன்றுகிறது.

• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்

• 
  அட்லி இயக்கும் விளம்பரத்தில் நடிக்கும் ரன்வீர் சிங், ஸ்ரீ லீலா
• 
  ‛பரியேறும் பெருமாள்' ஹிந்தி ரீ மேக்கான ‛தடக் 2' டிரைலர் வெளியீடு, ஆக., 1ல் ...
• 
  குரு பூர்ணிமாவில் அமிதாப் பச்சன் சிலையை வைத்து வழிபாடு
• 
  திருமணத்தின் போதே கர்ப்பமாக இருந்தேன் ; பாலிவுட் நடிகை நேஹா துபியா ஓபன் ...
• 
  பூட்டிய வீட்டில் இறந்து கிடந்த பாக்., நடிகை; 9 மாதங்களுக்கு பிறகே ...

• 
  300 மில்லியன் பார்வைகளைக் கடந்த 'வாயாடி பெத்த புள்ள'
• 
  யு டியூப் தளத்தில் 'டாப் வியூஸ்' பெற்ற தமிழ் பாடல்கள் : ஒரு ரீவைண்ட்…!
• 
  23 நாளில் படப்பிடிப்பு... ரூ.25 லட்சத்தில் படம் : வியக்க வைக்கும் ...
• 
  ராஜா சாப் படத்தில் விக் வைத்து நடிக்கிறாரா பிரபாஸ்? : ரசிகர்களுக்கு ...
• 
  ராமாயணா முதல் பாகத்தில் யஷ் வருவது வெறும் 15 நிமிடங்கள் தான்