Dinamalar

அபுதாபியில் கமல்ஹாசனுக்கு வாழ்நாள் சாதனையாளர் விருது

தமிழ் சினிமாவில் குழந்தை நட்சத்திரமாக அறிமுகமாகி, இப்போது வரை முன்னணி நடிகராக வலம் வந்து கொண்டிருக்கிறார் கமல்ஹாசன். அதோடு தொழில்நுட்ப ரீதியாக தமிழ் சினிமாவில் பல அறிய மாற்றங்களை கொண்டு வந்திருக்கிறார். மேலும் மூன்றாம் பிறை, இந்தியன், நாயகன் போன்ற படங்களுக்கு தேசிய விருது பெற்ற கமலஹாசன், தேவர் மகன் படத்தில் நடித்து மாநில மொழி படத்துக்கான தேசிய விருது வென்றார். அதோடு பத்மஸ்ரீ, பத்ம விபூஷன் விருதுகளையும் பெற்றுள்ளார். இந்த நிலையில், கமல்ஹாசனுக்கு மே 27ம் தேதி அபுதாபியில் வாழ்நாள் சாதனையாளர் விருது வழங்கப்பட இருப்பதாக அறிவிக்கப்பட்டுள்ளது.
அபுதாபியில் நடைபெறவிருக்கும் சர்வதேச இந்திய திரைப்பட விழாவில் கமல்ஹாசனுக்கு இந்த விருது வழங்கப்பட உள்ளது. மேலும், விக்ரம் படத்தை அடுத்து தற்போது இந்தியன்-2 படத்தில் நடித்து வரும் கமல்ஹாசன், அடுத்து மணிரத்னம் இயக்கும் தனது 234வது படத்தில் நடிக்க போகிறார் என்பது குறிப்பிடத்தக்கது.

• இவரை பற்றி
• செய்திகள்
• ஆல்பம்