Dinamalar

செப்டம்பர் 1ம் தேதி சமந்தாவின் 'குஷி' ரிலீஸ்: சாகுந்தலம் தோல்வியை சரி செய்யுமா?

கடந்த சில வருடங்களாகவே சமந்தாவுக்கு உடல் ரீதியாவும், தொழில் ரீதியாகவும் பின்னடைவு ஏற்பட்டுள்ளது. புஷ்பா படத்தில் அவர் ஆடிய பாடலும், தி பேமிலி மேன் வெப் தொடரும் தான் அவரை கொஞ்சம் காப்பாற்றியது. கடந்த ஆண்டு வெளியான யசோதாவும், இந்த ஆண்டு கடந்த மாதம் வெளியான சாகுந்தலமும் பெரிய அளவில் கைகொடுக்கவில்லை. அதுவும் சாகுந்தலம் பெரிய தோல்வியை சந்தித்தது.

இந்த நிலையில்தான் சமந்தா நடித்துள்ள 'குஷி' படம் வருகிற செப்டம்பர் 1ம் தேதி வெளிவருகிறது. இந்த படத்தில் அவர் விஜய் தேவரகொண்டா ஜோடியாக நடித்துள்ளார். இந்த படம் தெலுங்கு தவிர தமிழிலும் வெளிவருகிறது. சமீபத்தில் இந்த படத்திற்காக மதன் கார்க்கி எழுதிய 'என் ரோஜா நீயே...' என்கிற பாடல் வெளியாகி வரவேற்பை பெற்றது.

மைத்ரி மூவி மேக்கர்ஸ் தயாரிப்பில் சிவா நிர்வணா இயக்கத்தில் தயாராகி இருக்கும் இந்தப் படத்தில் விஜய் தேவரகொண்டா, சமந்தாவுடன், ஜெயராம், சச்சின் கடேக்கர், முரளி சர்மா, லட்சுமி, ஆலி, ரோகிணி, வெண்ணலா கிஷோர் உள்ளிட்ட பலர் நடித்திருக்கிறார்கள். ஜி. முரளி ஒளிப்பதிவு செய்திருக்கும் இந்த திரைப்படத்திற்கு ஹேஷாம் அப்துல் வஹேப் இசையமைத்திருக்கிறார். சமந்தாவின் தொடர் தோல்விகளை 'குஷி' சரிசெய்யுமா என்பது படம் வெளிவந்த பிறகு தெரியும்.

• 
  ஆளே இல்லாத வீட்டிற்கு ஒரு லட்சம் கரண்ட் பில் : கங்கனா ஏற்படுத்திய ...
• 
  ஷாருக்கான் மகளுக்கு அம்மாவாக நடிக்கும் தீபிகா படுகோன்
• 
  சன்னி தியோலை நேரில் சந்தித்த பிரபாஸ்: ‛ஜாட்' படத்திற்கு வாழ்த்து
• 
  பிரித்விராஜ்க்கு வருமான வரித்துறை நோட்டீஸ் ; எம்புரான் படம் காரணம் அல்ல
• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...

• 
  பிரபாஸ் படத்திலிருந்து நீக்கப்பட்டாரா ராஷ்மிகா?
• 
  விஜய் சேதுபதி படத்தில் தபு : அதிகாரப்பூர்வ அறிவிப்பு
• 
  கண்ணப்பா படத்தின் புதிய ரிலீஸ் தேதி அறிவிப்பு
• 
  'ரெட்ரோ'வில் 90களின் காதல் கதை : கார்த்திக் சுப்பராஜ் தகவல்
• 
  பிளாஷ்பேக் : இளையராஜாவின் பாடலுக்காக உருவான படம்