Dinamalar

தமிழகத்தின் 3வது 'ஐமேக்ஸ்' தியேட்டர் திறப்பு

அறிவியல் தொழில்நுட்பங்களின் வளர்ச்சிக்கேற்ப திரைப்படத் துறையும் மாறி வருகிறது. 35 எம்எம், 70 எம்எம், சினிமாஸ்கோப் உள்ளிட்ட திரை அளவுகளில் தியேட்டர்களில் சினிமாவைப் பார்த்தது ரசித்தது மாறி இன்று 'ஐமேக்ஸ்' திரை வரை வளர்ந்திருக்கிறது.

தற்போது நாம் சினிமாஸ்கோப் திரைகளைத்தான் அதிகம் பார்த்து வருகிறோம். 35 எம்எம், 70 எம்எம் ஆகியவை வழக்கொழிந்து போய்விட்டன. சினிமாஸ்கோப் திரையின் அளவு '2.35 : 1' என்ற புலன் விகிதத்தில் திரையிடப்படுகிறது. அதே சமயம் 'ஐமேக்ஸ்' திரையின் அளவு '1.45 : 1' என்ற புலன் விகிதத்தில் திரையிடப்படுகிறது. 70 எம்எம் திரையிலிருந்தே சற்றேக்குறைய மாறுபட்டதுதான் ஐமேக்ஸ் திரை.59 அடி உயரம், 79 அடி அகலம் கொண்டதாக இத்திரை இருக்கும். அதற்கேற்றபடி தியேட்டர்களையும் பிரம்மாண்டமாக வடிவமைக்க வேண்டும். வழக்கமான திரையிடலை ஐமேக்ஸ் திரையிடலுக்கேற்றபடி தொழில்நுட்ப ரீதியாகவும் மாற்ற வேண்டும்.

தமிழகத்தில் இதுவரையில் சென்னையில் மட்டுமே இரண்டு ஐ மேக்ஸ் தியேட்டர்கள் செயல்பட்டு வருகின்றன. சென்னை, வேளச்சேரியில் உள்ள மால் ஒன்றிலும், வடபழனியில் உள்ள மற்றொரு மால் ஒன்றிலும் ஐ மேக்ஸ் தியேட்டர்கள் உள்ளன. தற்போது மூன்றாவதாக கோயம்பத்தூரில் உள்ள மால் ஒன்றில் ஐமேக்ஸ் தியேட்டர் இன்று திறக்கப்பட்டுள்ளது. இத் தியேட்டரில் லேசர் டெக்னாலஜி, எபிக் வடிவ திரை ஆகியவை கூடுதல் சிறப்பம்சமாக சேர்க்கப்பட்டுள்ளது.

வரும் 28ம் தேதி முதல் அங்கு பொதுமக்களுக்கான திரையிடல் ஆரம்பமாக உள்ளது. 'பொன்னியின் செல்வன் 2' படத்தை கோவை நகர ரசிகர்கள் அந்த ஐமேக்ஸ் தியேட்டரில் கண்டுகளிக்கலாம்.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  வரி ஏய்ப்பு : நாகார்ஜுனா, வெங்கடேஷ் குடும்ப ஸ்டுடியோக்களுக்கு நோட்டீஸ்
• 
  ஜனநாயகன் - தெலுங்கு வியாபாரம் முடிவு
• 
  தெலுங்கில் ரீரிலீசாகும் 'பையா' : மீண்டும் பார்க்க கார்த்தி ஆர்வம்
• 
  யு டியுப் சேனல்கள், சமூக வலைத்தளங்கள் இளையராஜா புகைப்படங்களை பயன்படுத்த ...
• 
  கஞ்சா வழக்கு : சிம்பு பட தயாரிப்பாளர் கைது