Dinamalar

டுவிட்டரில் பரவி வரும் 'துணிவு 100 நாள்' போலி போஸ்டர்

வினோத் இயக்கத்தில், அஜித், மஞ்சு வாரியர் மற்றும் பலர் நடிப்பில் இந்த வருடப் பொங்கலுக்கு வெளியான படம் 'துணிவு'. விஜய் நடித்த 'வாரிசு' படமும், இந்தப் படமும் ஒன்றாக வெளியானது. 'வாரிசு' படத்தை விடவும் 'துணிவு' படம் ரசிகர்களாலும், விமர்சகர்களாலும் வரவேற்பைப் பெற்றது.

இந்நிலையில் 'துணிவு' படம் 100 நாளைக் கடந்துவிட்டது என சமூக வலைத்தளங்களில் போலியான போஸ்டர் ஒன்று சுற்றி வருகிறது. அதில் சில தியேட்டர்களையும் குறிப்பிட்டுள்ளனர். ஆனால், அந்தத் தியேட்டர்களில் அப்படம் ஓடவேயில்லை. எதற்காக இப்படி வீண் விளம்பரத்தை அஜித் ரசிகர்கள் செய்து கொண்டிருக்கிறார்கள் எனத் தெரியவில்லை.

படம் வெளியான ஒரு மாதத்திற்குள்ளாகவே ஓடிடி தளத்திலும் இப்படம் வெளியானது. அதன்பின் சில நாட்கள் மட்டுமே தியேட்டர்களில் ஒடியது. மார்ச் முதல் வாரத்தில் இப்படம் 50 நாளைத் தொட்டது. அதற்கான போஸ்டர்கள் மட்டுமே அதிகாரப்பூர்வமாக வெளியிடப்பட்டது.

'துணிவு' படத்திற்குப் பிறகு அஜித் நடிக்க உள்ள அவரது 62வது படத்திற்கான அறிவிப்பை எதிர்நோக்கி அவரது ரசிகர்கள் காத்திருக்கிறார்கள்.

• 
  நெப்போட்டிசம் பற்றி கிர்த்தி சனோன் பளீச்
• 
  சிங்கத்திற்கு குரல் கொடுக்கும் ஷாருக்கான்
• 
  ஹிந்தியில் ரீ-மேக் ஆகும் தெலுங்கு ‛பேபி'
• 
  சமந்தா சொல்வது உண்மைதான் : அர்ஜுன் கபூர் ஒப்புதல்
• 
  மகனை இயக்குனராக அறிமுகப்படுத்தும் ஷாருக்கான்

• 
  ஹாலிவுட் படத்தில் அறிமுகமாகும் ஜிவி பிரகாஷ், யோகிபாபு
• 
  சிவகார்த்திகேயனை கவுரவித்த ராணுவ பயிற்சி மையம்!
• 
  சூர்யா 44வது படத்தின் டைட்டில் 'கல்ட்'
• 
  உதயநிதிக்கு பிறந்தநாள் வாழ்த்து தெரிவித்த அஜித்குமார்
• 
  வைரலாகும் சித்தார்த் - அதிதி ராவ் திருமண புகைப்படங்கள்