Dinamalar

ஹிந்தியில் ரீமேக் ஆகும் 'லவ் டுடே'

பிரதீப் ரங்கநாதன் இயக்கம், நடிப்பில் கடந்தாண்டு வெளிவந்து பெரும் வெற்றியைப் பெற்ற படம் 'லவ் டுடே'. தமிழகத்தில் 100 நாட்களைக் கடந்து ஓடி 100 கோடி வசூலைக் குவித்த படம். தெலுங்கிலும் டப்பிங் செய்யப்பட்டு வெளியாகி அங்கும் நல்ல லாபத்தைக் கொடுத்தது.

இப்படத்தை ஹிந்தியில் ரீமேக் செய்ய உள்ளதாக அதன் தயாரிப்பாளர்களில் ஒருவரான அர்ச்சனா கல்பாத்தி அறிவித்துள்ளார். ஹிந்தியில் பல படங்களைத் தயாரித்த பாந்தோம் ஸ்டுடியோஸ் நிறுவனத்துடன் இணைந்து இப்படத்தைத் தயாரிக்க உள்ளார்கள்.

இது பற்றிய அறிவிப்பை பாந்தோம் ஸ்டுடியோஸ் நிறுவனமும் அதிகாரப்பூர்வமாக வெளியிட்டுள்ளது. “மிக விரைவில் ரசிகர்களின் அபிமானத் திரைப்படமாக மாறிய காதல் திரைப்படமான 'லவ் டுடே' படம், சமீபத்தில் தியேட்டர் வெளியீட்டில் 100 நாட்களைக் கடந்தது. 2022ம் ஆண்டில் வெளியான தமிழ்ப் படங்களில் பெரும் வெற்றியைப் பெற்ற ஒரு படம். அதன் ஒரிஜனல் தயாரிப்பாளரான எஜிஎஸ் என்டர்டெயின்மென்ட் உடன் இணைந்து அப்படத்தை பாந்தோம் ஸ்டுடியோஸ் ஹிந்தியில் ரீமேக் செய்ய உள்ளது,” என தெரிவித்துள்ளார்கள்.

ஹிந்தி ரீமேக்கிற்கு பிரதீப் ரங்கநாதனும் வாழ்த்து தெரிவித்துள்ளார். படத்தை அவர் ஹிந்தியில் இயக்கப் போவதில்லை. விரைவில் இயக்குனர், மற்ற கலைஞர்கள் பற்றிய அறிவிப்புகள் வெளியாகும் எனத் தெரிகிறது.

• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு
• 
  கதை சர்ச்சையில் சிக்கிய ஸ்ரீலீலாவின் ஆஷிகி 3
• 
  ஆக., 1ல் யு-டியூபில் “சித்தாரே ஜமீன் பர்” : யு-டியூபில் படத்தை வெளியிடுவது ...
• 
  படத்தின் பட்ஜெட் தொகையை இசை உரிமை விற்றதில் திரும்பப் பெற்ற 'சாயரா'
• 
  சினிமாவில் இது தான் எதார்த்தம் : திரிப்தி டிமிரி

• 
  '3 பிஎச்கே' முதல் 'தம்முடு' வரை: இந்த வார ஓடிடி ரிலீஸ் என்னென்ன?
• 
  ரிஷப் ஷெட்டியின் புதிய படத்தின் அப்டேட்!
• 
  சென்னை கல்லூரி சாலை நடிகர் ஜெய்சங்கர் சாலை ஆகிறது
• 
  மீண்டும் இணையும் பாண்டிராஜ், விஜய் சேதுபதி கூட்டணி!
• 
  சரியான நேரம் அமையும் போது சூர்யாவை வைத்து படம் இயக்குவேன் -லோகேஷ் கனகராஜ்!