Dinamalar

பிக்பாஸ் சீசன் 7 நிகழ்ச்சியையும் தொகுத்து வழங்குகிறார் கமல்

விஜய் டிவியில் ஒளிபரப்பாகி வரும் பிக்பாஸ் நிகழ்ச்சியை முதல் சீசனில் இருந்து 6 சீசன் வரை தொடர்ந்து தொகுத்து வழங்கி வருகிறார் கமல்ஹாசன். இந்த நிலையில் நேற்று பிக்பாஸ் சீசன் 6 நிகழ்ச்சியின் கிராண்ட் பைனல் நிகழ்ச்சி நடைபெற்றது. அப்போது பிக்பாஸ் நிகழ்ச்சியின் போட்டியாளர்கள் அவரிடத்தில் கேள்வி கேட்டனர். அதில், இந்த சென்னை, மெட்ராஸ் ஆக இருக்கும்போதும் நீங்கள் சினிமாவில் நடித்தீர்கள். இப்பொழுது சென்னையாக இருக்கும்போதும் நடித்துக் கொண்டிருக்கிறீர்கள். அப்போது முதல் இப்போது வரை மக்கள் உங்களை ஏற்றுக் கொண்டு வருகிறார்கள்.

மெட்ராஸ், சென்னை இந்த இரண்டில் உங்களுக்கு பிடித்தது எது? என்று கேட்ட கேள்விக்கு, இந்த பதிலை நான் கோபத்தில் சொல்கிறேன் என்றோ போட்டிக்கு சொல்கிறேன் என்றோ கருத வேண்டாம். எனக்கு பிடித்தது தமிழ்நாடு தான். தமிழகம் கூட அல்ல . தமிழ்நாடு தான் பிடித்தது என்பதை ஒத்துக் கொண்டால் மற்ற கேள்விகளுக்கு தானாக விடை கிடைத்து விடும் என்று பதில் அளித்தார் கமல்ஹாசன் .

இதனிடையே விக்ரம் படத்திற்கு பிறகு அதிகமான படங்களில் கமல்ஹாசன் கமிட்டாகி வருவதோடு அரசியலிலும் பிசியாக இருப்பதால் இனிமேல் பிக்பாஸ் நிகழ்ச்சியை அவர் தொகுத்து வழங்க மாட்டார். பிக் பாஸ் சீசன் ஆறாவது நிகழ்ச்சியோடு முடித்துக் கொள்வார் என்றுதான் சமீபத்தில் செய்திகள் வெளியாகின. ஆனால் நேற்று இந்த பிக்பாஸ் சீசன் ஆறாவது நிகழ்ச்சி முடிந்தபோது மீண்டும் சந்திப்போம் என்று கூறிவிட்டு விடை பெற்றார் கமல். இதை வைத்து பார்க்கும்போது, பிக்பாஸ் சீசன் 7 நிகழ்ச்சியையும் தான் தொகுத்து வழங்கப் போவதை அவர் உறுதிப்படுத்தி இருக்கிறார்.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ‛ஸ்பிரிட்' படத்தை துவங்கி வைத்த சிரஞ்சீவி!
• 
  அம்மாவை அவமானப்படுத்தியதால் பென்ஸ் கார் வாங்கிய மிருணாள் தாக்கூர்!
• 
  பிரதீப் ரங்கநாதனின் ‛எல்ஐகே' படத்தின் செகண்ட் சிங்கிள் எப்போது?
• 
  ஜூனியர் என்டிஆரை வைத்து பான் இந்திய படம் இயக்கும் ரிஷப் ஷெட்டி!
• 
  10 கிலோ வெயிட் குறைத்தது எப்படி? கீர்த்தி சுரேஷ் வெளியிட்ட தகவல்