துணிவு - தெலுங்கில் வெற்றிப் படமா? - Is Thegimpu movie hit in telugu industry?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

துணிவு - தெலுங்கில் வெற்றிப் படமா?

19 ஜன, 2023 - 10:36 IST

எழுத்தின் அளவு:

Is-Thegimpu-movie-hit-in-telugu-industry?

வினோத் இயக்கத்தில், ஜிப்ரான் இசையமைப்பில், அஜித்குமார், மஞ்சு வாரியர் மற்றும் பலர் நடித்து கடந்த வாரம் வெளிவந்த படம் 'துணிவு'. இப்படம் தெலுங்கில் 'தெகிம்பு' என்ற பெயரில் டப்பிங் செய்யப்பட்டு தமிழில் வெளியான அன்றே தெலுங்கிலும் வெளியானது. ஆனால், தெலுங்கில் எதிர்பார்த்தபடி வரவேற்பையும் பெறவில்லை, வசூலையும் பெறவில்லை என்று அங்கிருந்து வரும் தகவல்கள் தெரிவிக்கின்றன.

இப்படத்தின் தெலுங்கு டப்பிங் உரிமை சுமார் 3 கோடிக்கும் கொஞ்சம் கூடுதலாக விற்கப்பட்டுள்ளது என்று டோலிவுட் வட்டாரத் தகவல் தெரிவிக்கப்பட்டுள்ளது. இதுவரையில் படம் சுமார் 3.5 கோடி வரை வசூலித்துள்ளதாம். அதில் பங்குத் தொகையாக 1.9 கோடி கிடைத்துள்ளது. படம் லாபத்தைப் பெற இன்னும் 1.6 கோடியாவது வசூலிக்க வேண்டுமாம். அப்போதுதான் படம் லாபத்தைத் தரும் என்கிறார்கள். ஆனால் கடந்த சில நாட்களாக இப்படத்திற்கான ரசிகர்களின் தியேட்டர் வருகை குறைந்து காணப்படுகிறதாம்.

கர்நாடகா, கேரளா ஆகிய மாநிலங்களில் 'துணிவு' படம் லாபத்தைக் கொடுத்துள்ள நிலையில் தெலுங்கு மாநிலங்களில் பெரிய வரவேற்பைப் பெறாததற்குக் காரணம் அங்கு படத்தை சரியாக புரமோஷன் செய்யவில்லை என்கிறார்கள். அஜித், விஜய் போன்ற ஹீரோக்களின் படங்களை பான் இந்தியா படம் போல எப்போது புரமோஷன் செய்யப் போகிறார்கள் என அவர்களது ரசிகர்களும் எதிர்பார்க்கிறார்கள் என்பதே உண்மை. அந்த விதத்தில் இரண்டு ஹீரோக்களும் அதிக ஆர்வம் காட்டுவதில்லை என்பது ரசிகர்களுக்கும், படத்தின் வினியோக உரிமையை வாங்கியவர்களுக்கும் வருத்தமாக இருக்கிறது என்று சொல்கிறார்கள்.

Thunivu

Thegimpu

Telugu

கருத்துகள் (0) கருத்தைப் பதிவு செய்ய

ஓவியாவுக்கு முத்தம் கொடுத்தது யார்? ...

பெற்றோரிடம் மகன்களுடன் ஆசீர்வாதம் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய