Dinamalar

'வாரிசு' திடீர் அறிவிப்பு, வெளிநாடு தியேட்டர்களில் குழப்பம்

விஜய் நடித்துள்ள 'வாரிசு' படத்தின் வெளியீட்டுத் தேதி அறிவிப்பை நேற்று டிரைலருடன் வெளியிடாமல் நள்ளிரவில் தனியாக அறிவித்தார்கள். முன்னதாக 'வாரிசு' படம் ஜனவரி 12ம் தேதிதான் வெளியாகும் என வெளிநாட்டில் உள்ள தியேட்டர்களில், குறிப்பாக, அமெரிக்கா, இங்கிலாந்து உள்ளிட்ட நாடுகளில் பிரிமீயர் காட்சிகளுக்கான முன்பதிவை ஆரம்பித்தனர். அந்த இரண்டு நாடுகளிலும் ஆயிரக்கணக்கான டிக்கெட்டுகள் முன்பதிவு செய்யப்பட்டன.

இந்நிலையில் தயாரிப்பு நிறுவனம் தீடீரென பட வெளியீட்டுத் தேதியை ஜனவரி 11 என அறிவித்தது. இதனால், பிரிமீயர் காட்சி பார்க்கவும், முதல் நாள் முதல் காட்சி பார்க்கவும் முன்பதிவு செய்யப்பட்டவர்களுக்கு ஏமாற்றம் தான் மிஞ்சியது. படம் இந்தியாவில் 11ம் தேதி வெளியாவதால் அமெரிக்காவில் 10ம் தேதி பிரிமீயர் காட்சியை நடத்த வேண்டியதாகிவிட்டது. இப்போது பல தியேட்டர்களில் 10ம் தேதிக்கான முன்பதிவை ஆரம்பித்துள்ளார்கள்.

சில தியேட்டர்களில் 11ம் தேதி பிரிமீயருக்காக முன்பதிவு செய்யப்பட்டவர்கள் வேண்டுமானால் 10ம் தேதி காட்சிக்கு தங்களது முன்பதிவை மாற்றிக் கொள்ளலாம் என்று சொல்லி உள்ளார்களாம். படக்குழு செய்த அறிவிப்பால் வெளிநாடுகளில் இப்போது தேவையற்ற குழப்பம் நிலவுகிறது. படத்தை அங்கு வெளியிடும் வினியோகஸ்தர்கள் வெளியீடு தேதி பற்றி தாங்கள் எதுவும் முடிவு செய்ய முடியாது என்று சொல்லிவிட்டார்களாம்.

• 
  ஊர்மிளாவுக்கு 50 வயது மாதிரியா தெரிகிறது… !!
• 
  பிராமணர்கள் குறித்து அவதுாறு கருத்து: மன்னிப்பு கேட்டார் 'மஹாராஜா' ...
• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்

• 
  ஹீரோயின்களுக்கு முக்கியத்தும் உள்ள கேங்ஸ்டர் கதையை எழுதுங்கள் : ...
• 
  போய் வா நண்பா…ஒரு நாளில் ஒரு மில்லியன்…
• 
  கேங்கர்ஸ் Vs சுமோ - ரசிகர்கள் ஆதரவு யாருக்கு?
• 
  'குட் பேட் அக்லி' வினியோகஸ்தருக்கே 'ஜனநாயகன்' வினியோக உரிமை?
• 
  பிளாஷ்பேக்: விஜயகாந்த் ஜோடியாக நடித்த அனுராதா