Dinamalar

'அரபிக் குத்து' சாதனையை முறியடிக்க முடியாத 'ரஞ்சிதமே'

தமிழ் சினிமாவில் விஜய் நடிப்பில் வெளிவரும் படங்களின் முதல் சிங்கிள் பாடல், அல்லது மற்ற பாடல்கள் ரசிகர்களைக் கவர்ந்துவிட்டால் அவை யு-டியுபில் பெரிய சாதனையைப் படைக்கும். அவரது படங்களின் பாடல்களுக்கு ரசிகர்களிடம் அப்படி ஒரு எதிர்பார்ப்பு உண்டு. அவரது புதிய படங்களின் பாடல்கள் அவருடைய முந்தைய பட பாடல்களின் சாதனைகளை எப்படியும் முறியடித்துவிடும்.

ஆனால், 'வாரிசு' படத்தின் முதல் சிங்கிளாக சமீபத்தில் வெளிவந்த 'ரஞ்சிதமே' பாடல் முந்தைய சாதனைகளை முறியடிக்காமல் பின் தங்கிவிட்டது. 'ரஞ்சிதமே' பாடல் 24 மணி நேரத்தில் 18.5 மில்லியன் பார்வைகளையும் 1.3 மில்லியன் லைக்குகளை மட்டுமே பெற்றது.

இதற்கு முன்பு இந்த ஆண்டில் வெளிவந்த 'பீஸ்ட்' படத்தின் முதல் சிங்கிளான 'அரபிக் குத்து' பாடல் 24 மணி நேரத்தில் 23.7 மில்லியன் பார்வைகளையும், 2.2 மில்லியன் லைக்குகளையும் பெற்று அப்போது புதிய சாதனையைப் படைத்தது. அந்த சாதனையை 'ரஞ்சிதமே' பாடலால் முறியடிக்க முடியவில்லை.

விஜய் நடிக்கும் படத்திற்கு தமன் இசையமைப்பது இதுவே முதல் முறை. எனவே, இந்த 'ரஞ்சிதமே' புதிய சாதனையைப் படைக்கும் என்று எதிர்பார்த்த படக்குழுவினருக்கு சற்று ஏமாற்றமே. இருந்தாலும் தற்போது 25 மில்லியன் பார்வைகளைக் கடந்து, யு டியூபில் இன்னமும் டிரென்டிங்கில் முதலிடத்தில் உள்ளது இந்தப் பாடல். அடுத்து வெளிவர உள்ள பாடல்கள் புதிய சாதனையைப் படைக்கும் என்ற நம்பிக்கையுடன் விஜய் ரசிகர்களும் காத்திருக்கிறார்கள்.

• 
  30 ஆயிரம் கோடி சொத்துக்களில் பங்கு கேட்கிறாரா கரிஷ்மா கபூர்?
• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'

• 
  ஆகஸ்ட் 1ல் 150 படங்களை கடக்கப் போகும் 2025
• 
  24 மணிநேரத்திற்குள் 50 லட்சம் பார்வைகளை கடந்த ‛என்ன சுகம்' பாடல்
• 
  காப்புரிமை விவகாரம் : இளையராஜா மனு தள்ளுபடி
• 
  'தலைவன் தலைவி' முதல்வார இறுதியில் 25 கோடி வசூல்
• 
  அமெரிக்காவில் முன்னதாகவே திரையிடப்படும் 'கூலி'