Dinamalar

இடைவெளிக்குப் பிறகு 'செப்' ஆக களமிறங்கும் அனுஷ்கா

தமிழ், தெலுங்கில் சில ஆண்டுகளுக்கு முன்பு வரை முன்னணி கதாநாயகிகளில் ஒருவராக இருந்தவர் அனுஷ்கா. 2017ல் வெளிவந்த 'பாகுபலி 2' படத்தின் மாபெரும் வெற்றிக்குப் பிறகு அவர் கதாநாயகியாக நடித்து கடந்த ஐந்து ஆண்டுகளில் 'பாகமதி, சைலன்ஸ்' ஆகிய இரண்டு படங்கள் மட்டுமே வெளிவந்தது. 'சைலன்ஸ்' படம் கூட தியேட்டர்களில் வெளியாகாமல் இரண்டு வருடங்களுக்கு முன்பு ஓடிடி தளத்தில் வெளியானது.

அதற்குப் பிறகு அனுஷ்கா பற்றிய செய்திகள் கூட ஊடகங்களில் அதிகம் வராமல் இருந்தது. சில படங்களில் அவர் நடிக்கப் போகிறார் என்று செய்திகள் வெளிவந்தாலும் அவை உறுதியாகாமலே இருந்தது. இந்நிலையில் நேற்று அனுஷ்காவின் பிறந்தநாளை முன்னிட்டு அவர் நடித்து வரும் புதிய படத்தின் போஸ்டரை அதன் தயாரிப்பு நிறுவனம் வெளியிட்டுள்ளது.

தெலுங்கில் முன்னணி நிறுவனமான யுவி கிரியேஷன்ஸ் நிறுவனம் தயாரிப்பில், மகேஷ் இயக்கத்தில், அனுஷ்கா நடிக்கும் அப்படத்தின் கதாபாத்திர அறிமுகமாக போஸ்டரை வெளியிட்டு வாழ்த்து தெரிவித்துள்ளார்கள். அன்விதா ரவளி ஷெட்டி என்ற செப் கதாபாத்திரத்தில் அனுஷ்கா நடிக்கிறார். நவீன் பொலிஷெட்டி கதாநாயகனாக நடிக்கும் இப்படம் அனுஷ்காவின் 48வது படமாக உருவாக உள்ளது. பிரபல ஒளிப்பதிவாளர் நீரவ் ஷா இதற்கு ஒளிப்பதிவு செய்கிறார். விரைவில் படத்தின் மற்ற தகவல்கள் வெளியாகலாம் எனத் தெரிகிறது.

• 
  ஷாருக்கான் பிறந்தநாளில் ‛கிங்' பட முதல் பார்வை
• 
  எனக்கான போராட்டத்தை அமைதியாக நடத்துகிறேன்: தீபிகா படுகோனே
• 
  இங்கிலாந்து பிரதமருடன் அமர்ந்து படம் பார்த்த ராணி முகர்ஜி
• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு

• 
  'டியூட்' மீது அதிக நம்பிக்கை வைத்துள்ள குழு
• 
  திருமணமா.. அப்படியே ஹனிமூனையும் சொல்லிடுங்க..!: திரிஷா கிண்டல்
• 
  புதுவை முதல்வருடன் தயாரிப்பாளர்கள் சந்திப்பு
• 
  போலி சாமியாராக நட்டி
• 
  ரஜினி பெயரில் புதிய படம்