Dinamalar

இன்றும், என்றென்றும் : காதலரை அறிமுகப்படுத்திய ஹன்சிகா

தமிழ் சினிமாவில் கல்யாண சீசன் ஆரம்பித்து விட்டது போலிருக்கிறது. இரு தினங்களுக்கு முன்புதான் கவுதம் கார்த்திக், மஞ்சிமா ஜோடி தங்களது காதலைப் பற்றிய அறிவிப்பை வெளியிட்டார்கள். விரைவில் இவர்களது திருமண அறிவிப்பு வெளியாகும் என்று எதிர்பார்க்கப்படுகிறது.

இந்நிலையில் கடந்த சில தினங்களாக நடிகை ஹன்சிகாவின் திருமணம் பற்றிய தகவல்கள் வெளிவந்து கொண்டிருந்தது. அது உண்மையா, வதந்தியா என்பதற்கு ஹன்சிகா முற்றுப் புள்ளி வைத்துவிட்டார்.

தனது சமூக வலைத்தளத்தில் தனது காதலர் சோஹைல் கத்தூரியா-வுடன் இருக்கும் புகைப்படங்களைப் பதிவிட்டு 'இன்றும், என்றென்றும்' எனக் குறிப்பிட்டுள்ளார். பிரான்ஸ் தலைநகர் பாரீசில் உள்ள ஈபிள் டவர் அருகில் 'என்னைத் திருமணம் செய்து கொள்” என்ற ஆங்கில வாசகங்களுடன் சுற்றிலும் மெகுழுவர்த்தி, மத்தாப்பு ஆகியவற்றுடன் ஒரு கொண்டாட்டமான புகைப்படங்களைப் பகிர்ந்துள்ளார் ஹன்சிகா.

சோஹைல், ஹன்சிகா இருவரும் கடந்த சில ஆண்டுகளாக நெருங்கிய நட்புடன் இருக்கிறார்கள். இவர்களது திருமணம் ராஜஸ்தான், ஜெய்ப்பூரில் உள்ள ஒரு அரண்மனையில் அடுத்த மாதம் டிசம்பர் 4ம் தேதி நடைபெறுவதாகத் தகவல்.

தமிழ் சினிமாவில் சில ஆண்டுகளுக்கு முன்பு வரை முன்னணி நடிகைகளில் ஒருவராக இருந்தவர் ஹன்சிகா. வாய்ப்புகள் சற்றே குறைந்தாலும் தொடர்ந்து நடித்து வருகிறார். ஹன்சிகாவின் காதலர் அறிமுகப் பதிவுக்கு பல சினிமா பிரபலங்கள் வாழ்த்து தெரிவித்து வருகிறார்கள்.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஸ்பெயின் கார் பந்தயத்தில் மூன்றாமிடம்: அஜித் அணிக்கு உதயநிதி பாராட்டு
• 
  ‛மா இண்டி பங்காரம்' படப்பிடிப்பு இம்மாதம் துவக்கம்: சமந்தா வெளியிட்ட ...
• 
  துணிக்கடை திறப்பு விழாவில் கூட்ட நெரிசலில் சிக்கிக்கொண்ட பிரியங்கா ...
• 
  10க்கு 9 எப்பவுமே லேட் தான் ; இண்டிகோ விமான சேவை மீது மாளவிகா மோகனன் ...
• 
  வதந்திகளில் கவனம் செலுத்தவில்லை: காஜல் அகர்வால்