கோப்ரா சுற்றுப்பயணம் : கொச்சி, பெங்களூரில் விக்ரமிற்கு உற்சாக வரவேற்பு

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

29 ஆக, 2022 - 10:35 IST

எழுத்தின் அளவு:

Warm-welcome-to-Vikram-for-cobra-promotion

விக்ரம் நடிப்பில் தயாராகி, வருகிற 31ம் தேதி வெளியாக இருக்கும் படம் 'கோப்ரா'. இப்படத்தினை ரசிகர்களிடம் அறிமுகப்படுத்தி, பிரபலப்படுத்துவதற்காக விக்ரம் தலைமையிலான படக்குழுவினர் தென்னிந்திய சுற்றுப்பயணம் மேற்கொண்டிருக்கிறார்கள். இதன் ஒரு பகுதியாக கேரள மாநிலம் கொச்சிக்கு சென்றனர். கொச்சி விமான நிலையத்தில் படக்குழுவினருக்கு ஏராளமான ரசிகர்கள் திரண்டு உற்சாகமான வரவேற்பளித்தனர்.

இதனைத் தொடர்ந்து கேரள பத்திரிகையாளர்களைச் சந்தித்தனர். இந்த சந்திப்பில் விக்ரம், நடிகர் ரோஷன் மேத்யூ, நடிகைகள் மியா ஜார்ஜ், மீனாட்சி கோவிந்தராஜன், மிருணாளினி ரவி ஆகியோர் கலந்து கொண்டனர். இதனைத் தொடர்ந்து கொச்சியில் உள்ள பிரபலமான ஜெயின் கல்லூரி வளாகத்தில் 'கோப்ரா' பட குழுவினர், மாணவ மாணவிகளை சந்தித்தனர். அவர்களின் கேள்விகளுக்கு படக்குழுவினர் பதிலளித்தனர்.

இதை தொடர்ந்து பெங்களூரு சென்ற விக்ரம் அங்குள்ள நெக்ஸஸ் மால் எனும் வணிக வளாகத்தில் நடைபெற்ற ரசிகர்களுடனான சந்திப்பு விழாவில் கலந்து கொண்டார். நடிகைகள் ஸ்ரீநிதி ஷெட்டி, மீனாட்சி கோவிந்தராஜன், மிருணாளினி ரவி ஆகியோர் கலந்து கொண்டனர். அங்கு திரண்ட ரசிகர்களிடம் விக்ரம், கோப்ரா படத்தை பற்றி விவரித்து பேசினார். அதன் பிறகு அவர்களின் கேள்விகளு'கும் பதிலளித்தார். அதைத்தொடர்ந்து பத்திரிக்கையாளர் சந்திப்பும் நடைபெற்றது. அடுத்த கட்டமாக ஐதராபாத்திற்கு சென்றிருக்கிறார்கள். இன்று அங்கு ரசிகர்களையும், பத்திரிகையாளர்களையும் சந்திக்கிறார்கள்.

Cobramovie

Vikram

கருத்துகள் (0) கருத்தைப் பதிவு செய்ய

இமயமலையை பைக்கில் சுற்றும் அஜித்

செல்வராகவனை நாயகன் ஆக்கியது ஏன்? ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய