Dinamalar

லைகர் - முதல் நாள் வசூல் எவ்வளவு ?

பூரி ஜெகன்னாத் இயக்கத்தில், விஜய் தேவரகொண்டா, அனன்யா பாண்டே மற்றும் பலர் நடிப்பில் நேற்று வெளியான தெலுங்கு மற்றும் ஹிந்திப் படம் 'லைகர்'. தமிழ், கன்னடம், மலையாளம் ஆகிய மொழிகளிலும் இப்படம் டப்பிங் ஆகி வெளியாகி உள்ளது.

சுமார் 80 முதல் 85 கோடி வரை இப்படத்திற்கான வியாபாரம் நடந்துள்ளது. குறிப்பாக தெலுங்கில் மட்டும் சுமார் 50 கோடி வரை வியாபாரம் நடந்துள்ளது. ஹிந்தியில் வெறும் 11 கோடி, தமிழில் 2 கோடிதான் என டோலிவுட்டில் தெரிவிக்கிறார்கள்.

நேற்று முதல் நாள் வசூலாக உலகம் முழுவதும் 25 கோடி வரை படம் வசூலித்துள்ளதாம். அதில் 15 கோடி ரூபாய் தெலுங்கு மாநிலங்களில் இருந்து கிடைத்துள்ள தொகை. நேற்றைய வசூலில் மட்டும் 14 கோடி பங்குத் தொகையாக கிடைத்துள்ளதாம். நஷ்டத்திலிருந்து தப்பிக்க இன்னும் 70 கோடி வரை பங்குத் தொகை கிடைக்க வேண்டும். படத்திற்கு நெகட்டிவ்வான விமர்சனங்கள் அதிகம் வந்துள்ளதால் படம் வசூலில் தடுமாறும் என பாலிவுட் வட்டாரங்கள் கூட தெரிவிக்கின்றன. இதனிடையே பட தயாரிப்பு தரப்பில் இருந்து ரூ.33.12 கோடி வசூலித்துள்ளதாக ஒரு தகவல் தெரிவிக்கப்பட்டுள்ளது.

இதனிடையே, இப்படம் பற்றி பல்வேறு விதமான மீம்ஸ்கள் சமூக வலைத்தளங்களில் உலா வந்து கொண்டிருக்கின்றன. அவை அனைத்துமே நெகட்டிவ்வாக மட்டுமே உள்ளது என்பது முக்கியமானது.

• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்

• 
  மதராஸி ‛கம்பேக்' கொடுக்கும் படமாக இருக்கும் என்கிறார் ஏ.ஆர்.முருகதாஸ்
• 
  'ஏஸ்' தோல்வியிலிருந்து ஏறி வந்த விஜய் சேதுபதி
• 
  ரசிகர்களை அதிர்ச்சியடைய வைத்த மாதம்பட்டி ரங்கராஜ் இரண்டாவது திருமணம்
• 
  அஜித்தை வைத்து ஆக்ஷன் படம் இயக்க லோகேஷ் கனகராஜ் ஆசை
• 
  ராஷ்மிகாவின் மைசா படப்பிடிப்பு பூஜையுடன் தொடங்கியது