Dinamalar

இந்தியன் 2 : தீவிர திட்டத்தில் இறங்கிய ஷங்கர்

தமிழ் சினிமாவின் பிரம்மாண்ட இயக்குனரான ஷங்கர், தற்போது தெலுங்கில் ராம்சரண் நடிக்கும் படத்தை இயக்கி வருகிறார். தெலுங்குத் திரையுலகில் தற்போது ஸ்டிரைக் நடந்து வருவதால் அப்படத்தின் படப்பிடிப்பு நிறுத்தி வைக்கப்பட்டுள்ளது.

இதனால், அவர் இயக்க ஆரம்பித்து பாதியில் நின்று போன 'இந்தியன் 2' படத்திற்கான திட்டமிடல் வேலைகளில் தற்போது இறங்கியுள்ளாராம். தெலுங்குப் படத்தின் படப்பிடிப்பு விரைவில் முடிவடைய உள்ளதாம். இருப்பினும் செப்டம்பர் மாதத்தில் 'இந்தியன் 2' படப்பிடிப்பை நடத்தும்படி கமல்ஹாசன் தரப்பில் சொல்லப்பட்டுள்ளதாம்.

லைக்கா தயாரிக்கும் இப்படத்தின் தயாரிப்புப் பணிகளில் உதயநிதி ஸ்டாலினின் ரெட் ஜெயன்ட் நிறுவனம் இணைந்துள்ளது. அதனால் படப்பிடிப்பை மேலும் தள்ளி வைக்க ஷங்கருக்கு வாய்ப்பில்லை. தற்போது படத்தில் சில மாற்றங்களையும் செய்துள்ளாராம் ஷங்கர். புதிதாக நடிகர் சத்யராஜும் படத்தில் இணைகிறாராம். அவருக்காக புதிய கதாபாத்திரம் ஒன்றை படத்தில் உருவாக்கியிருக்கிறார்களாம். இன்னொரு பக்கம் 80களின் முன்னணி கதாநாயகனான கார்த்திக்கும் படத்தில் இணையப் போகிறார் என்கிறார்கள்.

படப்பிடிப்பு மீண்டும் ஆரம்பமாகும் போது புதிதாக இணைந்துள்ள நடிகர்கள் யார் என்ற அறிவிப்பு வெளியிடப்பட உள்ளதாம்.

• 
  என்டிஆர், நீல் படத்தில் இணைந்த பிரபல பாலிவுட் நடிகர்!
• 
  மகளுக்கு பெயர் சூட்டிய கியாரா அத்வானி - சித்தார்த் மல்கோத்ரா தம்பதி!
• 
  ஹிந்தியில் வரவேற்பைப் பெறும் 'தேரே இஷ்க் மெய்ன்'
• 
  பாலிவுட் நடிகருக்கு ஜோடியாகும் மீனாட்சி சவுத்ரி
• 
  நிரப்ப முடியாத வெற்றிடம் : கணவர் தர்மேந்திரா மறைவு குறித்து ஹேமமாலினி ...

• 
  சித்தார்த் அப்படிப்பட்டவர் இல்லை! - கார்த்திக் ஜி கிரிஷ்
• 
  மலையாளத்தில் அறிமுகமாகும் துஷாரா விஜயன்!
• 
  குந்தனை நினைவுக்கூர்ந்த தனுஷ்
• 
  திரையுலக பயணம் 33 ஆண்டுகள் நிறைவு: டிச.4ல் வெளியாகிறது 'ஜனநாயகன்' ...
• 
  'பராசக்தி' படத்தின் டப்பிங்கை தொடங்கிய சிவகார்த்திகேயன்!