Dinamalar

உதயநிதியின் அடுத்த படத் தலைப்பு 'கழகத் தலைவன்' ?

திமுக இளைஞர் அணி செயலாளராகவும், சேப்பாக்கம் திருவல்லிக்கேணி தொகுதி எம்எல்ஏ ஆகவும் இருப்பவர் உதயநிதி ஸ்டாலின். திமுக ஆட்சி பொறுப்பேற்ற பிறகு உதயநிதி நடிக்கும் படங்கள் அவரது இமேஜை உயர்த்தும் அளவிற்கு இருக்க வேண்டும் என திட்டமிட்டு உருவாக்கி வருகிறார்கள்.

அந்த விதத்தில் அவர் நடித்து 'நெஞ்சுக்கு நீதி' படம் வெளிவந்தது. இதற்கடுத்து அவர் நடித்து வர உள்ள படத்திற்கு 'கழகத் தலைவன்' எனப் பெயரிடப்பட்டுள்ளதாக தகவல் வெளியாகி உள்ளது. 'தடையறத் தாக்க, மீகாமன், தடம்' ஆகிய படங்களை இயக்கிய மகிழ்திருமேனி இப்படத்தை இயக்கியுள்ளார். 'ஈஸ்வரன், பூமி' படங்களில் கதாநாயகியாக நடித்த நிதி அகர்வால் கதாநாயகியாக நடித்துள்ளார்.

பொருளாதாரக் குற்றங்களை மையமாகக் கொண்டு இப்படத்தின் கதை எழுதப்பட்டுள்ளதாம். அதைச் சுற்றி நடக்கும் அரசியல் விஷயங்களும் படத்தில் உண்டாம். இப்படத்தின் படப்பிடிப்பு எப்போதோ முடிந்தாலும் இறுதிக் கட்டப்பணிகளை இயக்குனர் மகிழ் திருமேனி பொறுமையாக இழைத்து வருகிறாராம். விரைவில் படத்தின் முதல் பார்வை வெளியாகும் எனத் தெரிகிறது.

• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்

• 
  ரஜினி, கமல் கூட்டணி படம் : பிரதீப் ரங்கநாதன் பதில்
• 
  விஜய் ஆண்டனியின் அடுத்தபடம் பற்றிய தகவல்
• 
  நாகர்ஜூனாவின் 100வது படம் தொடங்கியது
• 
  பான் இந்தியா படம் : பிரசாந்த் ஆர்வம்
• 
  நான் அவனில்லை : இயக்குனர் பாரதி கண்ணன் விளக்கம்