Dinamalar

250 மில்லியன் பார்வைகளைக் கடந்த 'கேஜிஎப் 2' டீசர்

பிரசாந்த் நீல் இயக்கத்தில் யஷ், ஸ்ரீநிதி ஷெட்டி, சஞ்சய் தத், ரவீணா டான்டன் மற்றும் பலர் நடிக்கும் படம் 'கேஜிஎப் 2'. இப்படத்தின் டீசர் கடந்த வருடம் ஜனவரி மாதம் யு-டியூபில் வெளியிடப்பட்டது. வெளியானதிலிருந்தே அடுத்தடுத்து பல புதிய இந்தியத் திரையுலக சாதனைகளை இந்த டீசர் படைத்தது.

இந்திய அளவில் அதிக பார்வைகளைப் பெற்று கடந்த ஒரு வருடத்திற்கும் மேலாக தொடர்ந்து முதலிடத்தில் இந்த டீசர் இருந்து வருகிறது. வேறு எந்த ஒரு படத்தின் டீசல் அல்லது டிரைலர் இந்த சாதனையை இதுவரை முறியடிக்கவில்லை. இப்போது 'கேஜிஎப் 2' டீசர் 250 மில்லியன் பார்வைகளைக் கடந்துள்ளது. அதற்கடுத்து இரண்டாம் இடத்தில் 132 மில்லியன் பார்வைகளுடன் ஹிந்திப் படமான 'வார்' டிரைலர் உள்ளது.

'கேஜிஎப் 2' டீசரின் சாதனையை 'கேஜிஎப் 2' டிரைலர்தான் முறியடிக்கும் என்று எதிர்பார்க்கப்படுகிறது. டீசரை படம் வெளியாகும் ஐந்து மொழிகளுக்கும் பொதுவாக வெளியிட்டிருந்தார்கள். ஆனால், டிரைலரை 5 மொழிகளில் வெளியிட்டுள்ளார்கள். ஐந்து மொழிப் பார்வைகளையும் சேர்த்து வேண்டுமானால் அதை சாதனையாகக் கொள்ளலாம்.

'கேஜிஎப் 2' டிரைலர் கன்னடத்தில் 25 மில்லியன் பார்வைகைள், ஹிந்தியில் 76 மில்லியன், தெலுங்கில் 31 மில்லியன், தமிழில் 21 மில்லியன், மலையாளத்தில் 10 மில்லியன் பார்வைகள் என கடந்த ஒரு வாரத்தில் 163 மில்லியன் பார்வைகளைக் கடந்துள்ளது. பட வெளியாவதற்குள் 250 மில்லியன் பார்வைகளைக் கடந்து டீசர் சாதனையை முறியடிக்குமா என்பதைப் பொறுத்திருந்து பார்க்க வேண்டும்.

• 
  ஆஸ்கர் விருது வரை சென்ற 'லபாட்டா லேடீஸ்' படம் கதை காப்பி சர்ச்சையில் ...
• 
  சினிமா ஆனது இந்தியாவின் முதல் மகாத்மாவின் வாழ்க்கை
• 
  பழம்பெரும் ஹிந்தி நடிகர் மனோஜ் குமார் காலமானார்
• 
  முதல் கடார் என் சினிமாவை மூடியது... இண்டாவது கடார் திறந்து வைத்தது : சன்னி ...
• 
  'ரெய்டு 2' படத்தில் சிறப்பு பாடலில் தமன்னா!

• 
  குட் பேட் அக்லி டிரைலர் வெளியானது : நிச்சயம் அஜித் ரசிகர்களுக்கு ...
• 
  ஆக.,14ல் 'கூலி' ரிலீஸ்: அதிகாரப்பூர்வ அறிவிப்பு
• 
  ஜிவி பிரகாஷ், சைந்தவி விவாகரத்து வழக்கு: செப்.25ல் நேரில் ஆஜராக உத்தரவு
• 
  சத்யராஜ், காளி வெங்கட் இணைந்து நடிக்கும் 'மெட்ராஸ் மேட்னி'
• 
  மே மாதத்தோடு விஜய்யின் 'ஜனநாயகன்' படப்பிடிப்பு முடிவடைகிறது!