Dinamalar

'பீஸ்ட்' டிரைலர் - பயமா இருக்கா?, பயங்கரமா இருக்கா?

நெல்சன் திலீப்குமார் இயக்கத்தில், அனிருத் இசையமைப்பில், விஜய், பூஜா ஹெக்டே மற்றும் பலர் நடித்துள்ள 'பீஸ்ட்' படத்தின் டிரைலர் சற்று முன்னர் யு டியூபில் வெளியானது. இப்படத்தின் இரண்டு சிங்கிள் பாடல்களான 'அரபிக்குத்து, ஜாலி ஓ ஜிம்கானா' ஆகிய பாடல்கள் ஏற்கெனவே ரசிகர்களின் வரவேற்பைப் பெற்றுள்ளன. இந்நிலையில் தற்போது வெளியாகியுள்ள 'பீஸ்ட்' டிரைலர், யூ டியூப் பார்வை எண்ணிக்கையில் புதிய சாதனை படைக்குமா என்ற எதிர்பார்ப்பை ஏற்படுத்தி உள்ளது.

யோகி பாபு நடித்து 2019ல் வெளிவந்த 'கூர்க்கா' படத்தின் கதையையே மீண்டும் படமாக்கி உள்ளார்களோ என்ற சந்தேகம் வருகிறது. ஒரு ஷாப்பிங் மாலுக்குள் மக்கள் பலரை தீவிரவாதிகள் கடத்தி வைத்திருப்பார்கள். அந்த மாலுக்குள்ளேயே செக்யூரிட்டி வேலை பார்க்கும் யோகி பாபு எப்படி காப்பாற்றுகிறார் என்று நகைச்சுவையாகச் சொன்ன படம்தான் 'கூர்க்கா'.

இந்தப் படத்தில் அதே மால், அதே மக்கள், அதே செக்யூரிட்டி, கூர்க்கா யோகி பாபுவுக்குப் பதில் சோல்ஜர் விஜய். இதில் என்ன ஒரு விசேஷம் என்றால் 'கூர்க்கா' படத்தில் கதாநாயகனாக நடித்த யோகி பாபு, இந்த 'பீஸ்ட்' படத்தில் நகைச்சுவை நடிகராக நடித்துள்ளார்.

'பீஸ்ட்' படத்தின் முழு கதையும் இந்த மாலுக்குள்ளேயே தான் நகரும் போலிருக்கிறது. டிரைலரின் ஆரம்பமே மிகச் சாதாரணமாக இருக்கிறது. எந்த ஒரு அதிரடியும் இல்லை. விஜய்யின் ஆக்ஷன் காட்சிகள் அவரது ரசிகர்களுக்குப் பிடிக்கலாம். டிரைலரில் ''பயமா இருக்கா, இதைவிட இன்னும் பயங்கரமா இருக்கும்” மற்றும் “ஐயாம் எ சோல்ஜர்” என்ற இரண்டே வசனங்களைத்தான் பேசுகிறார் விஜய். டிரைலர் முழுவதிலும் செல்வராகவனுக்குத்தான் முக்கியத்துவம் கொடுத்துள்ளது போல் இருக்கிறது.

டிரைலரில் நாயகி பூஜா ஹெக்டே, ஜுனியர் ஆர்ட்டிஸ்ட் போல ஒரே ஒரு காட்சியில்தான் வந்து போகிறார். டிரைலரில் ஒரே ஒரு பாடல் ஒலிக்கிறது. அனிருத்தின் பின்னணி இசையிலும் அதிரடி குறைவுதான்.

டிரைலர் உண்மையிலேயே எப்படி இருக்கிறது என்று சொன்னால், விஜய் பேசியுள்ள வசனத்தை வைத்தே சொல்லலாம்.

'பயமா இருக்கு'......அவ்ளோதான், புரிஞ்சவன் 'பிஸ்தா'

• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  சொந்த செலவில் பிளைட்டில் வந்து ரஞ்சித்துக்கு உதவிய விஜய்சேதுபதி
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  பிளாஷ்பேக் : வாரிசு அரசியலை விமர்சித்த கருணாநிதி
• 
  விஜய் சேதுபதி படத்திற்கு இசையமைக்கும் ஹர்ஷவர்தன் ரமேஷ்வர்
• 
  'பாகுபலி 3' எதிர்காலத்தில் உருவாகுமா?
• 
  ஹிந்தியில் மட்டும் 100 கோடி வசூல் கடந்த 'காந்தாரா சாப்டர் 1'
• 
  விஜய் நிதானமாக முடிவெடுக்க வேண்டும்: சிவராஜ்குமார் வேண்டுகோள்