Dinamalar

தனுசை காப்பாற்றுவாரா திருச்சிற்றம்பலம்?

அசுரன் படம் பெரிய வெற்றி பெற்றது. தனுசுக்கு தேசிய விருது பெற்றுத் தந்தது. தனுசுக்கு வெற்றியும், விருதும் கிடைத்து மூன்று ஆண்டுகள் ஆகிவிட்டது. அசுரனுக்கு பிறகு வெளிவந்த படங்களில் கர்ணன் மட்டுமே ஓரளவுக்கு தனுசை காப்பாற்றியது, என்னை நோக்கி பாயும் தோட்டா, பட்டாஸ், ஜெகமே தந்திரம், மாறன், பாலிவுட் படமான அந்தராங்கி ரே என ஆகிய படங்கள் பெரிய அளவில் மக்களை கவரவில்லை. அதிலும் கடைசியாக அவரின் மூன்று படங்கள் ஓடிடியில் வெளிவந்தன. இதனால் வணிக ரீதியாக தன்னை நிலைநிறுத்திக்கொள்ள அடுத்து ஒரு வெற்றியை கொடுக்க வேண்டிய கட்டாயத்தில் இருக்கிறார் தனுஷ்.

இந்த நிலையில் அடுத்து வெளிவர இருக்கிறது திருச்சிற்றம்பலம். தனுஷ் நடிப்பில் வெளியாகி வெற்றி பெற்ற யாரடி நீ மோகினி, குட்டி, உத்தமபுத்திரன் ஆகிய படங்களை இயக்கிய மித்ரன் ஆர் ஜவஹர் இயக்கி உள்ளார். தனுஷுக்கு ஜோடியாக பிரியா பவானி சங்கர், ராஷி கண்ணா, நித்யா மேனன் ஆகியோர் நடித்துள்ளனர். மேலும் பிரகாஷ் ராஜ், பாரதிராஜா ஆகியோர் முக்கிய கதாபாத்திரத்தில் நடித்திருக்கிறார்கள். படத்தின் பணிகள் இறுதிகட்டத்தில் உள்ளது.

திருச்சிற்றம்பலம் வெற்றி அடைவதற்கான சாத்தியக்கூறுகள் இந்த படத்தில் அதிகம் உள்ளது. தனுஷ், மித்ரன் ஜவஹர் கூட்டணி தொடர்ந்து வெற்றிப் படங்களை தந்திருக்கிறது. 7 வருடங்களுக்கு பிறகு தனுஷ் படத்திற்கு அனிருத் இசை அமைத்திருக்கிறார். பிரியா பவானி சங்கர், ராஷி கண்ணா, நித்யா மேனன் என மூன்று கலர்புல் ஹீரோயின்கள் இருக்கிறார்கள். போதா குறைக்கு பாரதிராஜா, பிரகாஷ்ராஜ் நடித்திருக்கிறார்கள். ஒரு பக்கா கமர்ஷியல் பேக்கேஜோ படம் வருகிறது. வருகிற ஜூலை 1ம் தேதி படம் வெளிவரும் என்று தெரிகிறது.

• 
  ஹிந்தி பட வசூலில் நம்பர் 1 சாதனை புரிந்த 'ஸ்திரீ 2'
• 
  'எமர்ஜென்சி' விவகாரம் : கங்கனாவிற்கு நீதிமன்றம் நோட்டீஸ்
• 
  'லவ் அண்ட் வார்' ரிலீஸ் தேதி அறிவிப்பு: 2 வருடங்களுக்கு பிறகு ...
• 
  திருமண மோதிரம் 'மிஸ்ஸிங்' : மீண்டும் பிரிவு சர்ச்சையில் ஐஸ்வர்யா ராய்
• 
  என் தந்தையே எனது மிகப்பெரிய விமர்சகர் : பாடகி டூ நடிகை த்வானி பனுஷாலி ...

• 
  மனைவியை விட்டுச் செல்பவன் நல்ல மனிதன் அல்ல - குஷ்பு பதிவு வைரல்
• 
  ஹேமா கமிட்டி ஒரு ‛கேம் சேஞ்சர்' : சம்யுக்தா மேனன்
• 
  நடிகை பார்வதி நாயர் மீது வழக்குப்பதிவு: எதற்காக தெரியுமா?
• 
  தேவரா 1 - ஆறு காட்சிகள், கூடுதல் கட்டண உயர்வு - அரசு ஆணை
• 
  ‛குட் பேட் அக்லி' படத்தில் இணைந்த அர்ஜுன் தாஸ்