Dinamalar

4 வருடங்களுக்குப் பின் கமல்ஹாசன் படம் : ரசிகர்கள் மகிழ்ச்சி

தமிழ் சினிமாவின் சீனியர் நடிகர்களில் மிக முக்கியமானவர் கமல்ஹாசன். குழந்தை நட்சத்திரமாக 1960ல் அறிமுகமாகி 2022 வரை சினிமாவில் நாயகனாக தொடர்வது மாபெரும் சாதனை என அவரது ரசிகர்கள் கொண்டாடி வருகிறார்கள்.

கடந்த நான்கு வருடங்களாக கமல்ஹாசன் நடித்த படங்கள் எதுவும் வரவில்லை. கடைசியாக அவர் நடித்து 2018ல் வெளிவந்த 'விஸ்வரூபம் 2' படம் அவரது ரசிகர்களைக் கூட திருப்திப்படுத்தவில்லை. அதற்கடுத்து 'இந்தியன் 2' படத்தில் அவர் ஷங்கர் இயக்கத்தில் நடிக்க ஆரம்பித்தது மகிழ்ச்சியைத் தந்தது. ஆனால், அந்தப் படம் அப்படியே அந்தரத்தில் நிற்கிறது. இருப்பினும் அந்த சோகத்தை மறக்க லோகேஷ் கனகராஜ் இயக்கத்தில் 'விக்ரம்' படம் பற்றிய அறிவிப்பு அவரது ரசிகர்களை மீண்டும் மகிழ்ச்சியில் தள்ளியது.

கொரோனா அச்சுறுத்தல்களுக்கு மத்தியிலும் படத்தைத் திட்டமிட்டபடி சீக்கிரமே முடித்துவிட்டார்கள். இன்று படத்தின் வெளியீட்டுத் தேதியும் ஜுன் 3 என அறிவிக்கப்பட்டுவிட்டது. படம் வெளிவர இன்னும் இரண்டரை மாதங்கள் இருந்தாலும் நான்கு வருடங்களுக்குப் பிறகு கமல்ஹாசன் படத்தைத் தியேட்டர்களில் பார்க்க அவரது ரசிகர்கள் ஆவலுடன் காத்திருக்கிறார்கள்.

• 
  வாடகை வீட்டில் வசிப்பது ஏன் ? பாலிவுட் நடிகர் அனுபம் கெர் ஆச்சரிய விளக்கம்
• 
  வார்-2வில் ஹிருத்திக் ரோஷனை விட அதிக சம்பளம் யாருக்குத் தெரியுமா?
• 
  வார் 2 படத்திற்காக மீண்டும் சிக்ஸ்பேக்கிற்கு மாறிய ஜூனியர் என்டிஆர்
• 
  250 கோடி வசூலைக் கடந்த 'சாயரா'
• 
  வார் 2 டிரைலர் : 24 மணி நேரத்தில் 50 மில்லியன் பார்வைகள்

• 
  மதராஸி ‛கம்பேக்' கொடுக்கும் படமாக இருக்கும் என்கிறார் ஏ.ஆர்.முருகதாஸ்
• 
  'ஏஸ்' தோல்வியிலிருந்து ஏறி வந்த விஜய் சேதுபதி
• 
  ரசிகர்களை அதிர்ச்சியடைய வைத்த மாதம்பட்டி ரங்கராஜ் இரண்டாவது திருமணம்
• 
  அஜித்தை வைத்து ஆக்ஷன் படம் இயக்க லோகேஷ் கனகராஜ் ஆசை
• 
  ராஷ்மிகாவின் மைசா படப்பிடிப்பு பூஜையுடன் தொடங்கியது